ГалоўнаяНавіныПартрэты: гісторыя бібліятэкі ў асобах
Запрашаем да ўдзелу ў навуковым зборніку “Здабыткі”
Анлайн-конкурс чытальнікаў “О, Беларусь, мая шыпшына”

Да 100-годдзя з дня нараджэння Раісы Пятроўны Сімаковай

Да 100-годдзя з дня нараджэння Раісы Пятроўны Сімаковай
Іншыя навіны

18 верасня спаўняецца 100 гадоў з дня нараджэння Раісы Пятроўны Сімаковай, ветэрана Нацыянальнай бібліятэкі Беларусі, удзельніцы Вялікай Айчыннай вайны, старшага сяржанта медыцынскай службы, блакадніцы Ленінграда.

Раіса Пятроўна нарадзілася 18 верасня 1920 г. у в. Ругоціна Бежацкага раёна Калінінскай вобласці ў сям’і сялян. У 1928 г. сям’я Сімаковых пераехала ў горад Тосна Ленінградскай вобласці, дзе ў 1939 г. юная Рая скончыла сярэднюю школу і ў гэтым жа годзе паступіла ў Тэхналагічны інстытут у г. Ленінградзе “за кампанію з сябрамі”, як адзначыла пазней Р.П. Сімакова. Але ў хуткім часе Раіса зразумела, што гэты накірунак быў абраны спантанна, таму яна кінула вучобу на першым курсе і паступіла на літаратурнае аддзяленне Ленінградскага педагагічнага інстытута імя Пакроўскага (зараз Расійскі дзяржаўны ўніверсітэт імя А. І. Герцэна), дзе яна правучылася да 1941 г. Пры гэтым жа інстытуце, без адрыву ад вучобы, Раіса Пятроўна скончыла двухгадовую школу медыцынскіх сясцёр запасу. Але давучыцца ў інстытуце, на жаль, не давялося. Вялікая Айчынная вайна ўнесла свае жудасныя карэктывы ў жыццё маладой Раісы…

З першых дзён вайны Раіса Пятроўна была прызвана ў рады Савецкай арміі, дзе працавала хірургічнай медыцынскай сястрой у гарнізонным эвакашпіталі 1171 (г. Ленінград) аж да жніўня 1945 г., калі яна была адазвана з радоў Чырвонай арміі інстытутам для працягу вучобы. Заканчваць педагагічны інстытут Раіса Пятроўна не стала. У верасні гэтага ж года дзяўчына паступіла ў Ленінградскі дзяржаўны бібліятэчны інстытут імя Н.К. Крупскай (зараз Санкт-Пецярбургскі дзяржаўны інстытут культуры), які скончыла ў чэрвені 1948 г. з адзнакай. Р.П. Сімакова атрымала спецыяльнасць “бібліятэказнаўца” і была накіравана для работы ў БССР.

R.P.-Simakova-2.jpg

З трэцяга жніўня 1948 г. па жнівень 1949 г. Раіса Пятроўна працавала загадчыцай чытальнай залы Урадавай бібліятэкі № 2 у г. Мінску. Затым 12 гадоў – старшым бібліёграфам у гэтай жа бібліятэцы. Важна адзначыць, што ў гэты час, працу ва Урадавай бібліятэцы № 2 Раіса Пятроўна паспяхова спалучала з пасадай выкладчыка па гісторыі і арганізацыі бібліятэчнай справы ў Расіі ў адкрыўшымся ў той час бібліятэчным тэхнікуме. Зразумела, што адразу пасля вайны падручнікаў не было і дапамогу ў падборы матэрыялаў для тэхнікума аказваў дырэктар Дзяржаўнай бібліятэкі БССР імя У.І Леніна І.Б. Сіманоўскі і іх метадычны кабінет. Так, сумеснымі намаганнямі, быў выпушчаны першы курс бібліятэчнага тэхнікума. Працавала Р.П. Сімакова на дзвюх пасадах аж да пераезду тэхнікума ў 1961 г. у г. Магілёў.

У кастрычніку 1961 г. Урадавая бібліятэка № 2 была рэарганізавана ў філіял Дзяржаўнай бібліятэкі БССР імя У.І Леніна. Менавіта ў гэты перыяд пачалася актыўная сумесная работа філіяла з Дзяражаўнай бібліятэкай, асабліва з аддзелам кнігазахоўвання, міжбібліятэчнага абанементу і даведачным аддзелам. Уся даведачна-інфармацыйная работа была ўскладзена на Раісу Пятроўну. Асаблівая ўвага надавалася пытанням партыйнага будаўніцтва, матэрыялам з’ездаў, партыйных канферэнцый і г.д. Разам з даведачным аддзелам Дзяржбібліятэкі імя У.І. Леніна была арганізавана служба Выбарачнага распаўсюджвання інфармацыі ў дапамогу загадчыкам аддзелаў і загадчыкам сектараў апарата ЦК КПБ.

R.P.-Simakova-3.png

Раіса Пятроўна адпрацавала загадчыцай да выхаду на заслужаны адпачынак у 1987 г.

За ўвесь час працы Раіса Пятроўна прымала актыўны ўдзел у жыцці калектыва бібліятэкі, з’яўлялася агітатарам і начальнікам санітарнага паста апарата ЦК КП(б), была пазаштатным інструктарам народнага кантролю ЦК КПБ і Савета Міністраў БССР, кіраўніком тэарэтычнага семінара для камсамольцаў бібліятэкі, членам партыйнага бюро бібліятэкі. Раіса Пятроўна паспяхова спалучала работу кіраўніка філіяла Дзяржаўнай бібліятэкі БССР імя У.І. Леніна з правядзеннем вялікай даведачна-інфармацыйнай работы супрацоўнікаў апарата ЦК КПБ. Яна з’яўлялася старшынёй Савета ветэранаў Вялікай Айчыннай вайны бібліятэкі, прымала актыўны ўдзел у вечарах сустрэч ветэранаў з моладдзю, выступала на гэтых вечарах з паведамленнямі, дакладмі, лекцыямі.

R.P.-Simakova-4.jpg

Сорак гадоў Раіса Пятроўна адпрацавала ў філіяле Дзяржаўнай бібліятэкі БССР імя У.І. Леніна, мела больш за сорак грамат за добрасумленную працу, сярод якіх Грамата Вярхоўнага Савета БССР, шматлікія граматы Міністэрства культуры БССР і БРК прафсаюзаў работнікаў культуры.

Супрацоўнікам навукова-даследчага аддзела бібліятэказнаўства пашчасціла асабіста павіншаваць Раісу Пятроўну 18 верасня 2019 г. з днём яе 99-годдзя і з Днём бібліятэк, запісаць інтэрв’ю і проста пагаварыць з такой жыццялюбівай, аптымістычнай і разумнай жанчынай. Нягледзячы на ўсе цяжкасці і выпрабаванні, якія наканаваў ёй лёс, яна не пераставала да апошняга любіць жыццё і людзей. На жаль, праз два месяцы пасля нашай сустрэчы, Раісы Пятроўны не стала… Але ўражанне чысціні, ветлівасці і добразычлівасці ад гэтай сустрэчы назаўсёды застанецца ў памяці і нашых сэрцах…

Матэрыял падрыхтаваны навукова-даследчым аддзелам бібліятэказнаўства.

Пра ветэранаў і супрацоўнікаў Нацыянальнай бібліятэкі Беларусі чытайце ў рубрыцы "Партрэты: гісторыя бібліятэкі ў асобах".

Навіны

Скарыназнаўства ў Францыі

23 Кас 2020

23 кастрычніка адбыўся рэальна-віртуальны навуковы круглы стол, прысвечаны кнігазнаўчым даследаванням ў Францыі. Вядучым экспертам мерапрыемства выступіла Вольга Шутава, кіраўнік Лабараторыі скарыназнаўства і валарызацыі даследаванняў гісторыі культуры Беларусі (Парыж, Францыя), кандыдат гістарычных навук.

Навіны Нацыянальнай бібліятэкі Беларусі

Запіс на першы курс “Клуба кніжных прафесараў”

23 Кас 2020

У Нацыянальнай бібліятэцы Беларусі стартуе новы сезон “Клуба кніжных прафесараў”. Запрашаем дзетак і іх бацькоў запісацца на першы курс музейных заняткаў па вывучэнні кніжнай культуры.

Навіны Нацыянальнай бібліятэкі Беларусі

Пасяджэнне Савета бібліятэк Беларусі па інфармацыйным узаемадзеянні

22 Кас 2020

21 кастрычніка ў рамках VII Міжнароднага кангрэса “Бібліятэка як феномен культуры” адбылося штогадовае пасяджэнне Савета бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

Чараўніцтва для чайнікаў: навошта адаптуюць класічныя казкі і дзе чытаць некласічныя

22 Кас 2020

З тых часоў, як чалавек навучыўся складаць гукі ў словы, а словы – у сказы, свет навокал пачаў імкліва абрастаць казкамі. Чароўнымі гісторыямі тлумачылі ўсё, што пужала сваёй нязведанасцю – змену часоў года, нараджэнне, смерць, колер птушынага пер’я і з’яўленне агню. Што ж з імі цяпер? Іх спасцігла доля нястрымнай адаптацыі. Старыя казкі перапісваюцца на новы лад, іх матывы ўплятаюцца ў іншыя гісторыі. Як гэта робіцца, а галоўнае – навошта? Давайце зірнём на гісторыю адаптацыі казачнай класікі.

Блог прафесійнага чытача

Сугучча

22 Кас 2020

З 22 кастрычніка на 3-м паверсе кальцавога калідора працуе выстаўка “Сугучча”, арганізаваная Нацыянальнай бібліятэкай Беларусі сумесна з Выдавецкім домам “Звязда”.

Кніжныя выстаўкі

Скарыназнаўства ў Францыі

21 Кас 2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Навіны Нацыянальнай бібліятэкі Беларусі

111