ГалоўнаяНавіныПраект “100 дзён да Вялікай Перамогі. Па старонках беларускіх газет 1945 г.”
“Украінская Касандра”: кніжная выстаўка, прысвечаная творчасці Лесі Украінкі
Запрашаем на старонку круглага стала “Маладнякоўскімі крокамі”

13 лютага 1945 года. 86 дзён да Перамогі

13 лютага 1945 года. 86 дзён да Перамогі
Іншыя навіны

75-годдзю Перамогі ў Вялікай Айчыннай вайне прысвячаецца новы праект Нацыянальнай бібліятэкі Беларусі – “100 дзён да Вялікай Перамогі. Па старонках беларускіх газет 1945 г.”.
З 30 студзеня па 9 мая 2020 г. штодня на партале бібліятэкі публікуюцца матэрыялы, якія адлюстроўваюць хроніку навін і падзей з публікацый адпаведнага перыяду ў газетах Савецкай Беларусі 1945 г.

Крымская канферэнцыя. “Хто смяецца апошнім” К. Крапівы. У Дзяржаўнай бібліятэцы імя У.І. Леніна БССР – папаўненне фонду. Кінафестываль у Мінску. Газеты: “Звязда” (№ 29), “Советская Белоруссия” (№ 29).

Галоўнай навіной гэтых дзён стала завяршэнне канферэнцыі кіраўнікоў трох саюзных дзяржаў – СССР, ЗША і Вялікабрытаніі ў Крыме, якая працягвалася з 4 па 11 лютага 1945 г. Ва ўсіх цэнтральных газетах было надрукавана прынятае па выніках канферэнцыі камюніке аб устанаўленні пасляваеннага сусветнага парадку (“Звязда”, № 29; “Советская Белоруссия”, № 29). Таксама адна з важных падзей 13 лютага – вызваленне нашымі войскамі сталіцы Венгрыі Будапешта (“1418 дней Великой Отечественной войны”, Мінск, 2014, с. 378).

Сярод навін культуры вылучым некалькі. На фатаграфіі ў газеце “Звязда” (№ 29, с. 4) – сцэна са спектакля “Хто смяецца апошнім”, пастаўленага па аднайменнай п’есе К. Крапівы ў Першым Беларускім драмтэатры імя Янкі Купалы.

Дзяржаўная бібліятэка імя У.І. Леніна (цяпер – Нацыянальная бібліятэка Беларусі) за апошнія некалькі месяцаў атрымала шмат літаратуры з розных гарадоў Савецкага Саюза, у асноўным з Масквы, прычым выдадзенай у ваенныя гады. Гэта і кнігі, прысвечаныя гарадам-героям, моладзі, жанчыне на вайне. І кнігі такой цікавай і незвычайнай серыі, як “ленінградцы-вадаправоднікі, ленінградцы-паліграфісты падчас нямецкай блакады”.

Таксама атрыманы кнігі на беларускай мове, у тым ліку серыя кніг аб Героях Савецкага Саюза. Новыя паступленні будуць паказаны на выставе, прымеркаванай да свята Чырвонай арміі 23 лютага (“Советская Белоруссия”, № 29). Гэтаму святочнаму дню прысвечаны і 9-дзённы кінафестываль, які адбудзецца ў кінатэатры “Першы”, – пра гэта абвясціла абласное ўпраўленне кінафікацыі.

Да Перамогі заставалася 86 дзён...

Аўтар публікацыі: Л. Тупчыенка-Кадырава, аддзел карпаратыўнага ўзаемадзеяння.

Усе матэрыялы праекта даступны на партале НББ і сайце “Беларусь у інфармацыйнай прасторы”.

Навіны

2 Кра 2020

На вядомых нам партрэтах народнага паэта Беларусі Якуба Коласа, тых партрэтах, якія мы прывыклі бачыць у падручніках і кнігах, пісьменнік звычайна паказаны сталым і сур’ёзным, такім, якім і сапраўды павінен выглядаць класік беларускай літаратуры. Хацелася б паказаць Коласа зусім іншым – незвычайным і нечаканым, жартаўлівым, смешным і па-сяброўску іранічным.

Навіны бібліятэк

2 красавіка 1945 года. 38 дзён да Перамогі

2 Кра 2020

Дырэктыва па Берлінскай наступальнай аперацыі. Выхад Чырвонай арміі да аўстра-венгерскай мяжы. Ваенныя трафеі. Аб'екты налёту саюзных знішчальнікаў-бамбардзіроўшчыкаў. Абласны сход сялян Маладзечанскай вобласці. Дапамога сем'ям франтавікоў. Кінафікацыя вёскі. Газеты: "Советская Белоруссия" (№ 60), "Звязда" (№ 61), "Большэвік Палесся" Палескай (цяпер ліквідаванай) вобласці (№ 151), "Чырвоны сцяг" Давыд-Гарадоцкага (цяпер Столінскага) раёна (№ 18).

Праект “100 дзён да Вялікай Перамогі. Па старонках беларускіх газет 1945 г.”

1 Кра 2020

Яго імя згадваецца разам з малодшым братам, класікам Максімам Багдановічам. І ролю старэйшага брата ў станаўленні пісьменніка і грамадзяніна недаацэньваць нельга. Менавіта таму супрацоўнікі музея працягваюць пошукі матэрыялаў, звязаных з В. Багдановічам, даследуюць матэрыялы, якія захоўваюцца ў фондах розных музеяў і архіваў.

Навіны бібліятэк

1 красавіка 1945 года. 39 дзён да Перамогі

1 Кра 2020

Дырэктыва Стаўкі Вярхоўнага галоўнакамандуючага аб правядзенні наступальнай аперацыі на Берлін. Узяцце крэпасці Глогау. Акружэнне саюзнікамі рурскай групоўкі нямецкіх войскаў. Аднаўленне Мінска. Гастролі Дзяржаўнага літоўскага джаз-аркестра. Канферэнцыя бібліятэкараў Масквы. Газеты: “Звязда” (№ 60, 61), “Большэвік Палесся” Палескай (цяпер ліквідаванай) вобласці (№ 151), “Искра” Валожынскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

31 сакавіка 1945 года. 40 дзён да Перамогі

31 Сак 2020

Указ аб узнагароджанні ордэнам “Перамога”. Наступленне саюзнікаў. Зварот сялян Гродзенскай вобласці. Набор на рабочыя спецыяльнасці. Гастролі Дзяржаўнага рускага драматычнага тэатра БССР. Газеты: “Звязда” (№ 59), “Советская Белоруссия” (№ 58), “Гродненская правда” (№ 43).

Праект “100 дзён да Вялікай Перамогі. Па старонках беларускіх газет 1945 г.”

111