ГалоўнаяНавіныПраект “100 дзён да Вялікай Перамогі. Па старонках беларускіх газет 1945 г.”
Прэзентацыя электроннага выдання "Не пакідайце ж мовы нашай беларускай…"
Духоўная асвета праз дзейнасць бібліятэк: да 500-годдзя з дня заснавання Свята-Успенскага Жыровіцкага манастыра

14 лютага 1945 года. 85 дзён да Перамогі

14 лютага 1945 года. 85 дзён да Перамогі
Іншыя навіны

75-годдзю Перамогі ў Вялікай Айчыннай вайне прысвячаецца новы праект Нацыянальнай бібліятэкі Беларусі – “100 дзён да Вялікай Перамогі. Па старонках беларускіх газет 1945 г.”.
З 30 студзеня па 9 мая 2020 г. штодня на партале бібліятэкі публікуюцца матэрыялы, якія адлюстроўваюць хроніку навін і падзей з публікацый адпаведнага перыяду ў газетах Савецкай Беларусі 1945 г.

У аператыўнай зводцы Саўінфармбюро паведамляецца, што гарнізон нямецкіх войскаў у Будапешце цалкам разгромлены, у палон здаліся больш за 100 тысяч салдат і афіцэраў. Цяпер савецкім войскам адкрыты прамы шлях да Вены – сталіцы Аўстрыі.

У БССР працягваецца аднаўленне галін сельскай гаспадаркі, прамысловасці, культуры. У Магілёўскай вобласці зноў з'явіліся плантацыі хмелю. Днепра-Дзвінскае ваенна-аднаўленчае ўпраўленне абвясціла пра пачатак заключэння дагавораў на перавозку грузаў па водным басейне. Упершыню пасля вызвалення адчыніў свае дзверы перад пасажырамі чыгуначны вакзал Мінска, спалены немцамі 2 ліпеня 1944 года. Нягледзячы на тое, што вакзал пачаў працу, працягнецца яго ўнутранае афармленне, для чаго запрошаны скульптары і мастакі Беларусі. Дырэктар Беларускага навукова-даследчага інстытута пералівання крыві (цяпер – Рэспубліканскі навукова-практычны цэнтр трансфузіялогіі і медыцынскіх біятэхналогій) напісаў для газеты артыкул аб гэтым метадзе лячэння – з гістарычным экскурсам і акцэнтам на яго значэнні.

Вялікі артыкул у "Советской Белоруссии" (№ 30) “Смех пераможцаў” прысвечаны спектаклю па сатырычнай камедыі Кандрата Крапівы "Хто смяецца апошнім", якая зноў ідзе на сцэне Беларускага дзяржаўнага драматычнага тэатра імя Янкі Купалы (аб чым мы ўжо паведамлялі ў адной з папярэдніх навін праекта “100 дзён да Вялікай Перамогі” – Заўв. аўт.). Дарэчы, пры гэтым тэатры, а таксама пры Віцебскім драматычным тэатры імя Якуба Коласа адкрыліся студыі, у якіх узнавілася падрыхтоўка акцёрскіх кадраў ("Звязда", № 30).

У гарадах і вёсках заходніх абласцей Беларусі адкрываюцца бібліятэкі і хаты-чытальні. У Баранавіцкай вобласці адкрыліся 15 гарадскіх і раённых бібліятэк са значным кніжным фондам. А ўсяго па вобласці дзейнічаюць больш за 200 хат-чытальняў і 16 дамоў культуры – тут вечарамі людна: праводзяцца гутаркі і лекцыі, калектыўныя чытанні газет і кніг. Нядаўна бібліятэчны фонд вобласці папоўніўся 30-ю тысячамі кніг па мастацтве, палітычнай і гістарычнай тэматыкі. Такое ж абнаўленне і ў Гродзенскай вобласці: аднавілі сваю работу 16 бібліятэк і 150 хат-чытальняў. Усяго пасля вызвалення сюды было накіравана больш за 140 тысяч кніг на рускай і беларускай мовах. Усяго ж у заходніх абласцях працуе 60 гарадскіх і раённых бібліятэк, 875 хат-чытальняў (“Звязда”, № 30). Да вайны ж, у 1940–1941 гг., тут было 1770 бібліятэк, уключаючы хаты-чытальні (Матульскі Р.С. “Библиотеки Беларуси. Из прошлого в будущее. 1917–1991", 2018, с. 111).

97 дзён засталося да Перамогі...

Аўтар публікацыі: Л. Тупчыенка-Кадырава, аддзел карпаратыўнага ўзаемадзеяння.

Усе матэрыялы праекта даступны на партале НББ і сайце “Беларусь у інфармацыйнай прасторы”.

Навіны

#BelBookChallenge рэкамендуе: пераклады класікі

5 Сак 2021

BelBookChallenge выходзіць на фінішную прамую! Да канца чэленжда застаўся адзін дзень, таму самы час дачытваць недачытанае і пісаць на яго рэцэнзіі, каб усё-усё паспець. А для надання сіл і запалу ў вашым апошнім рыўку Нацыяналка склала для вас не проста падборку, а сапраўдную падвойную норму кніжных рэкамендацый! Сёння пад нашым прыцэлам адразу дзве тэмы: пераклады замежнай класікі і пераклады з рускай мовы – узбоўтаць, але не змешваць. Пра якія-небудзь з гэтых перакладзеных кніг вы напэўна ўжо чулі, а штосьці можа стаць для вас адкрытым сюрпрызам.

Блог прафесійнага чытача

Да 125-годдзя з дня нараджэння Кандрата Крапівы

5 Сак 2021

5 сакавіка спаўняецца 125 гадоў з дня нараджэння беларускага драматурга, празаіка, сатырыка, паэта, перакладчыка, акадэміка АН БССР, народнага пісьменніка Беларусі Кандрата Крапівы (1896–1991).

Па старонках беларускага календара

Віншуем Галіну Канстанцінаўну Кулагу, ветэрана Нацыянальнай бібліятэкі Беларусі, з 80-годдзем!

8 Сак 2021

Калектыў Нацыянальнай бібліятэкі Беларусі віншуе Галіну Канстанцінаўну з юбілейнай датай і ад усёй душы жадае моцнага здароўя на доўгія гады, бадзёрасці духу і невычэрпнага энтузіязму.

Партрэты: гісторыя бібліятэкі ў асобах

Унікальная выстаўка бальных убораў і аксесуараў адкрылася ў бібліятэцы

4 Сак 2021

4 сакавіка ў выставачным комплексе бібліятэкі (пам. 104) адбылося адкрыццё ўнікальнага праекта “Бляск убораў і таямніцы флірту”. Экспанаты прадстаўлены з прыватнай калекцыі Ігара Сурмачэўскага.

Выставачныя мультыпраекты

#BelBookChallenge прапануе: кнігі з дзяцінства ў перакладзе на беларускую мову

4 Сак 2021

BelBookChallenge не проста так прапануе вам наступную тэму – кнігі, што падабаліся ў дзяцінстве, у перакладзе на беларускую. Што за магчымасць, акрамя выкліку самому сабе, можа прымусіць нас вярнуцца да нечага ўжо прачытанага і асэнсаванага некалі?

Блог прафесійнага чытача

Бібліятэкарам
111