ГалоўнаяНавіныПраект “100 дзён да Вялікай Перамогі. Па старонках беларускіх газет 1945 г.”
Калегам пра афармленне спісаў літаратуры
"Лепшыя кнігі Беларусі": выстаўка па выніках LIХ Нацыянальнага конкурсу "Мастацтва кнігі"

18 лютага 1945 года. 81 дзень да Перамогі

18 лютага 1945 года. 81 дзень да Перамогі
Іншыя навіны

75-годдзю Перамогі ў Вялікай Айчыннай вайне прысвячаецца новы праект Нацыянальнай бібліятэкі Беларусі – “100 дзён да Вялікай Перамогі. Па старонках беларускіх газет 1945 г.”.
З 30 студзеня па 9 мая 2020 г. штодня на партале бібліятэкі публікуюцца матэрыялы, якія адлюстроўваюць хроніку навін і падзей з публікацый адпаведнага перыяду ў газетах Савецкай Беларусі 1945 г.

Аднаўленне прамысловасці. Краязнаўчыя музеі. Заява Прэм'ер-міністра Вялікабрытаніі. Дапамога Польшчы. Газеты «Звязда» (№ 33) і «Віцебскі рабочы» (№ 18).

Дэвіз «Усё для фронту! Усё для Перамогі!» заставаўся актуальным увесь час вайны, не выключаючы і гэтыя лютаўскія дні. Пакуль нашы войскі прасоўваюцца да Берліна, у БССР вырашаюцца задачы хутчэйшага аднаўлення прамысловасці, у першую чаргу такіх яе галін, як машынабудаванне, энергетыка. Гэтаму прысвечаны перадавы артыкул у газеце "Звязда" (№ 33). Адраджаюцца і прадпрыемствы лёгкай прамысловасці. Нядаўна аднавіла сваю працу панчошна-трыкатажная фабрыка «КІМ» у Віцебску, яе калектыў шэфствуе над шпіталем – моладзь чытае параненым кнігі і газеты, дапамагае пісаць лісты, паказвае нумары самадзейнасці ("Віцебскі рабочы", № 18).

У Мінску праходзяць рэспубліканскія лыжныя спаборніцтвы, на якіх выступаюць лепшыя спартсмены, якія перамаглі на міжкалгасных, раённых і абласных этапах.

Цікавыя і навіны культуры. У рэспубліцы ўжо аднавілі сваю працу 4 гісторыка-краязнаўчыя музеі – у Гродне, Гомелі, Віцебску і Слоніме. Гомельскі музей адкрыўся ў новым будынку, сюды хутка вернуцца эвакуіраваныя ў Сталінградскую вобласць экспанаты. Пры Дзяржаўным тэатры оперы і балета БССР (цяпер – Вялікі тэатр Беларусі) ствараецца харэаграфічнае вучылішча, ужо набрана адна група будучых балерын і танцораў (газета “Звязда”, № 33).

З падзей міжнароднага жыцця ў гэтай жа газеце мы абралі дзве. Саўнаркам СССР прыняў рашэнне задаволіць просьбу кіраўнікоў Польскай Рэспублікі аб матэрыяльна-тэхнічнай дапамозе і накіраванні экспертаў для аднаўлення Варшавы. Прэм'ер-міністр Вялікабрытаніі У. Чэрчыль, пакідаючы Крым пасля Ялцінскай канферэнцыі 14 лютага, зрабіў заяву, у канцы якой ёсць такія словы: «Мы молімся, каб рускі народ (чытай савецкі – заўв. аўтара) ніколі больш не падвяргаўся цяжкім выпрабаванням, з якіх ён выйшаў з такой славай».

81 дзень заставаўся да Перамогі…

Аўтар публікацыі: Л. Тупчыенка-Кадырава, аддзел карпаратыўнага ўзаемадзеяння.

Усе матэрыялы праекта даступны на партале НББ і сайце “Беларусь у інфармацыйнай прасторы”.

Навіны

2 Кра 2020

На вядомых нам партрэтах народнага паэта Беларусі Якуба Коласа, тых партрэтах, якія мы прывыклі бачыць у падручніках і кнігах, пісьменнік звычайна паказаны сталым і сур’ёзным, такім, якім і сапраўды павінен выглядаць класік беларускай літаратуры. Хацелася б паказаць Коласа зусім іншым – незвычайным і нечаканым, жартаўлівым, смешным і па-сяброўску іранічным.

Навіны бібліятэк

2 красавіка 1945 года. 38 дзён да Перамогі

2 Кра 2020

Дырэктыва па Берлінскай наступальнай аперацыі. Выхад Чырвонай арміі да аўстра-венгерскай мяжы. Ваенныя трафеі. Аб'екты налёту саюзных знішчальнікаў-бамбардзіроўшчыкаў. Абласны сход сялян Маладзечанскай вобласці. Дапамога сем'ям франтавікоў. Кінафікацыя вёскі. Газеты: "Советская Белоруссия" (№ 60), "Звязда" (№ 61), "Большэвік Палесся" Палескай (цяпер ліквідаванай) вобласці (№ 151), "Чырвоны сцяг" Давыд-Гарадоцкага (цяпер Столінскага) раёна (№ 18).

Праект “100 дзён да Вялікай Перамогі. Па старонках беларускіх газет 1945 г.”

1 Кра 2020

Яго імя згадваецца разам з малодшым братам, класікам Максімам Багдановічам. І ролю старэйшага брата ў станаўленні пісьменніка і грамадзяніна недаацэньваць нельга. Менавіта таму супрацоўнікі музея працягваюць пошукі матэрыялаў, звязаных з В. Багдановічам, даследуюць матэрыялы, якія захоўваюцца ў фондах розных музеяў і архіваў.

Навіны бібліятэк

1 красавіка 1945 года. 39 дзён да Перамогі

1 Кра 2020

Дырэктыва Стаўкі Вярхоўнага галоўнакамандуючага аб правядзенні наступальнай аперацыі на Берлін. Узяцце крэпасці Глогау. Акружэнне саюзнікамі рурскай групоўкі нямецкіх войскаў. Аднаўленне Мінска. Гастролі Дзяржаўнага літоўскага джаз-аркестра. Канферэнцыя бібліятэкараў Масквы. Газеты: “Звязда” (№ 60, 61), “Большэвік Палесся” Палескай (цяпер ліквідаванай) вобласці (№ 151), “Искра” Валожынскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

31 сакавіка 1945 года. 40 дзён да Перамогі

31 Сак 2020

Указ аб узнагароджанні ордэнам “Перамога”. Наступленне саюзнікаў. Зварот сялян Гродзенскай вобласці. Набор на рабочыя спецыяльнасці. Гастролі Дзяржаўнага рускага драматычнага тэатра БССР. Газеты: “Звязда” (№ 59), “Советская Белоруссия” (№ 58), “Гродненская правда” (№ 43).

Праект “100 дзён да Вялікай Перамогі. Па старонках беларускіх газет 1945 г.”

111