ГалоўнаяНавіныПраект “100 дзён да Вялікай Перамогі. Па старонках беларускіх газет 1945 г.”
15 беларускіх кніг, якія варта пачытаць падчас добраахвотнага каранціну
Калекцыя рэдкіх кніг абласной навуковай бібліятэкі імя Я.Ф. Карскага папоўнілася двума тамамі апавяданняў Элізы Ажэшкі

22 сакавіка 1945 года. 49 дзён да Перамогі

22 сакавіка 1945 года. 49 дзён да Перамогі
Іншыя навіны

75-годдзю Перамогі ў Вялікай Айчыннай вайне прысвячаецца новы праект Нацыянальнай бібліятэкі Беларусі – “100 дзён да Вялікай Перамогі. Па старонках беларускіх газет 1945 г.”.
З 30 студзеня па 9 мая 2020 г. штодня на партале бібліятэкі публікуюцца матэрыялы, якія адлюстроўваюць хроніку навін і падзей з публікацый адпаведнага перыяду ў газетах Савецкай Беларусі 1945 г.

Калгасы БССР рапартуюць рэспубліцы пра гатоўнасць да веснавых палявых работ. Гомельскі лесатэхнічны інстытут абвясціў аб прыёме на вучобу. Паказ дакументальнага фільма "Народныя мсціўцы". Газеты: "Большэвік Палесся" (№ 27), "Віцебскі рабочы" (№ 28), "Луч" Іўеўскага раёна (№ 17).

У мірных клопатах краіны ў гэтыя дні няма больш актуальнай задачы, чым падрыхтоўка ў поўнай гатоўнасці да веснавой сяўбы, да ўсіх веснавых палявых работ. У газеце "Віцебскі рабочы" (№ 28) калгас імя Сталіна – адзін з перадавых у вобласці – рапартуе аб сваёй гатоўнасці і абяцае ўтрымаць заваяванае раней першынство. У мінулым годзе калгас за высокі ўраджай і аднаўленне жывёлагадоўлі атрымаў пераходзячы Чырвоны сцяг Савета народных камісараў БССР. Такім чынам, што ж кажуць калгаснікі? Камсамольцы занятыя ўгнаеннямі, выступаюць перад калгаснікамі з дакладамі, падрыхтавалі драматычныя пастаноўкі, якія на працягу палявога сезона пакажуць аднавяскоўцам. Адказныя за падрыхтоўку кароў у якасці цяглавай сілы прызвычаілі іх да культывацыі, баранавання і лёгкіх транспартных прац. Кавалі метадычна працавалі па складзеным раней плане рамонту інвентару, адсутныя дэталі «здабылі з разбітых нямецкіх аўтамашын і танкаў», якія засталіся пасля ваенных дзеянняў, а выканаўшы свой план на 12 дзён раней – зараз дапамагаюць суседнім калгасам. Кладаўшчык калгаса радуецца якасці пасяўнога матэрыялу: "золата, а не збожжа"! Сяляне спадзяюцца, а з імі і ўся краіна – ураджай будзе!

Артыкулы ў газеце "Большэвік Палесся" (№ 27) таксама актыўна нагадваюць пра вясну. Перадавы артыкул заклікае "паскорыць тэмпы вывазкі ўгнаенняў" на палі. Уся другая паласа прысвечана спаборніцтву за ўзорную работу машынна-трактарных станцый і машынна-трактарных майстэрняў у БССР. А ў адказ на заклік трактарыстаў Прапойскай МТС работнікі Хойніцкай МТС да запланаванага тэрміну цалкам выканалі план рамонту. Калгаснікі калгаса імя Калініна Мазырскага раёна правялі пробны выезд: 17 добра адкормленых коней і 8 навучаных кароў вывелі ў поле, праверылі інвентар – з 18 плугоў 1 аказаўся ўсё ж няспраўным.

Вайна нанесла страты не толькі сельскай, але і лясной гаспадарцы: для аднаўлення лясных масіваў і правільнага выкарыстання лясных рэсурсаў патрэбны новыя кадры. Пасля вяртання з эвакуацыі Гомельскі лесатэхнічны інстытут аднаўляе сваю працу: вучні, якія атрымалі ў 1944 г. атэстаты аб сярэдняй адукацыі, могуць быць прыняты без экзаменаў на факультэт "Механізаванне лесараспрацовак і лесатранспарту" ("Большэвік Палесся", № 27, с. 4).

У Іўеўскім раёне Гродзенскай вобласці, у Доме сацыялістычнай культуры, з вялікім поспехам дэманструецца новы дакументальны фільм "Народныя мсціўцы" (пра дзейнасць партызан на тэрыторыі СССР): у першы ж дзень яго паглядзелі 500 чалавек, паведаміла газета "Луч" Іўеўскага раёна Гродзенскай вобласці (№ 17). На наступнай старонцы – артыкул “Не забудземся, не прабачым” з хронікай расстрэлаў жыхароў мястэчка Іўе падчас нямецкай акупацыі, тут жа пералічаны і прозвішчы катаў.

Але жыццё працягваецца: адкрыты дзве новыя школы – у вёсцы Лукошына і вёсцы Сантыкі. Паступова выходзяць на першы план і іншыя задачы мірнага жыцця: таварыш Цімафеева простай мовай і без мудрагельства заклікае кіраўнікоў прадпрыемстваў і школ "не спачываць на лаўрах" і не сядзець "колам у брудзе", а навесці належны санітарны парадак.

Да Перамогі застаецца 49 дзён...

Аўтар публікацыі: Л. Тупчыенка-Кадырава, аддзел карпаратыўнага ўзаемадзеяння.

Усе матэрыялы праекта даступны на партале НББ і сайце “Беларусь у інфармацыйнай прасторы”.

Навіны

6 Кра 2020

Пакуль каранавірус шчыруе па планеце, пакінуўшы агаломшанымі мільёны ці нават мільярды людзей, некаторых стрэс і страх, наадварот, мабілізуюць, натхняюць на новыя творы. Так, вядомы італьянскі пісьменнік і фізік па адукацыі Паўла Джардана паспеў напісаць эсэ «Заражэнні» (з італьянскай літаральна «У заражэнні» / Nel contagio), прысвечанае каранавірусу.

Навіны бібліятэк

7 Кра 2020

“Купалаўскі дома” – гэта паказы спектакляў з архіва тэатра, творчых вечароў нашых артыстаў, сустрэч, святочных мерапрыемстваў і іншых відэазапісаў, якімі мы з любоўю і ўдзячнасцю гатовыя з вамі падзяліцца.

Навіны бібліятэк

7 красавіка 1945 года. 33 дні да Перамогі

7 Кра 2020

Вызваленне населеных пунктаў у паласе Карпатаў. Вулічныя баі ў Вене. Ваенныя дзеянні ў басейне Ціхага акіяна. Знойдзены залаты запас германскага імперскага банка. Задачы жывёлагадоўчай галіны. Нарада перадавікоў сельскай гаспадаркі. Газеты: “Советская Белоруссия” (№№ 62, 63), “Звязда” (№ 63).

Праект “100 дзён да Вялікай Перамогі. Па старонках беларускіх газет 1945 г.”

6 красавіка 1945 года. 34 дні да Перамогі

6 Кра 2020

Перамога Чырвонай арміі пад Гданьскам. Вызваленне населеных пунктаў у паласе Карпатаў. Вясновая пуціна. Аднаўленчыя працы ў гарадах. Тэатры рыхтуюцца да летняга сезона. Газеты: “Советская Белоруссия” (№№ 61, 62), “Звязда” (№ 62).

Праект “100 дзён да Вялікай Перамогі. Па старонках беларускіх газет 1945 г.”

5 красавіка 1945 года. 35 дзён да Перамогі

5 Кра 2020

Перамогі Чырвонай арміі. Ваенныя трафеі. Рашэнне чылійскага сената. Нямецкія салдаты масава здаюцца ў палон. Пачатак пасяўных работ. Сацспаборніцтва МТС. Выстава конкурсных праектаў у Дзяржаўнай бібліятэцы БССР імя У.І. Леніна. Газеты: «Советская Белоруссия» (№№ 60, 62), «Звязда» (№№ 61, 63, 64).

Праект “100 дзён да Вялікай Перамогі. Па старонках беларускіх газет 1945 г.”

3 Кра 2020

1 красавіка ў кнігарні «Дом кнігі «Светач» (г. Мінск, пр-т Пераможцаў, 11) адбылася імпрэза «Кніжны свет Беларусі: Гродзеншчына», на якой расказалі аб лепшых, найболей адметных кнігах, звязаных з Гродна і яго ваколіцамі.

Навіны бібліятэк

Разам – мы пераможам!

3 Кра 2020

2 красавіка па ініцыятыве Міністэрства замежных спраў Рэспублікі Беларусь на вонкавым электронным светлавым табло Нацыянальнай бібліятэкі Беларусі запушчана акцыя падтрымкі і салідарнасці нашай краіны з дзяржавамі, якія на сённяшні дзень найбольш пакутуюць ад заражэння COVID-19.

Навіны Нацыянальнай бібліятэкі Беларусі

111