ГалоўнаяНавіныПраект “100 дзён да Вялікай Перамогі. Па старонках беларускіх газет 1945 г.”
Новы альбом выдавецтва «Беларуская Энцыклапедыя» паказвае Беларусь вачамі мастакоў
15 беларускіх кніг, якія варта пачытаць падчас добраахвотнага каранціну

23 сакавіка 1945 года. 48 дзён да Перамогі

23 сакавіка 1945 года. 48 дзён да Перамогі
Іншыя навіны

75-годдзю Перамогі ў Вялікай Айчыннай вайне прысвячаецца новы праект Нацыянальнай бібліятэкі Беларусі – “100 дзён да Вялікай Перамогі. Па старонках беларускіх газет 1945 г.”.
З 30 студзеня па 9 мая 2020 г. штодня на партале бібліятэкі публікуюцца матэрыялы, якія адлюстроўваюць хроніку навін і падзей з публікацый адпаведнага перыяду ў газетах Савецкай Беларусі 1945 г.

Франтавыя навіны з Германіі. Ваенныя дзеянні на Ціхім акіяне. У БССР узяты курс на развіццё птушкагадоўлі. Нарада тарфянікаў. Недавыкананне плана ў Бабруйскай вобласці. Канцэрты ў БССР. Тэатр у Бабруйску ставіць п’есы. Газеты: “Звязда” (№ 54), “Советская Белоруссия” (№ 53), “Совецкая радзіма” (№ 45).

1-шы Украінскі фронт вядзе баі ў нямецкай Сілезіі, узята некалькі гарадоў. 3-ці Беларускі працягвае змагацца ля Кёнігсберга і на Данцыгскім кірунку. У раёне ніжняй плыні ракі Драва Чырвоная армія дзейнічае сумесна з балгарскай і югаслаўскай арміямі.

Англа-амерыканскія войскі працягваюць няўхільна прасоўвацца да Рэйна. Авіяцыя саюзнікаў ажыццявіла мэтанакіраваныя бамбардзіроўкі аэрадромаў саперніка, а англійскія самалёты здзейснілі 30-ты налёт на Берлін. На Ціхаакіянскім тэатры вайсковых дзеянняў – значная падзея: 21 сакавіка адбылася бітва флатоў ЗША і Японіі ва ўнутраных японскіх водах, у выніку якой Японія панесла значныя страты. У гэты ж дзень гэтая краіна страціла востраў Івадзіму ў Ціхім акіяне, пра што па радыё японскаму народу паведаміў прэм’ер-міністр Койса (востраў быў вернуты Японіі ў 1968 годзе – заўв. аўт.).

Галоўная падзея гэтых дзён у тыле – узяты кірунак на развіццё ў БССР птушкагадоўлі, асабліва вадаплаўнай птушкі, намечаны планавыя лічбы па абласцях і комплекс канкрэтных мерапрыемстваў, у тым ліку прадугледжана падрыхтоўка птушкаводаў.

Толькі што завяршылася “Усебеларуская нарада тарфянікаў”, на якой гаварылася пра аднаўленне прадпрыемстваў тарфяной прамысловасці, вывазку торфу пасля здабычы, а таксама пра неабходнасць арганізаваць сталовыя для рабочых, павысіць культурна-масавую работу (“Звязда”, № 54; “Советская Белоруссия”, № 53).

На 2-й старонцы газеты “Звязда” (№ 54) – вялікі артыкул з фатаграфіяй пра работу камбіната “Спартак”, да гэтага дня ўжо выпушчана больш за 60 тон пернікаў, 30 тон печыва, 90 тон цукерак, 4 тоны джэму і павідла! На 4-й старонцы – невялікая нататка з добрай навіной: з Усходняй Прусіі вяртаецца абсталяванне электрастанцый, вывезенае падчас акупацыі.

Матэрыялы ў газеце “Совецкая радзіма” (№ 45) у асноўным прысвечаны пачатку веснавога палявога сезона: у некаторых калгасах яшчэ кіпіць праца і актыўна заканчваецца падрыхтоўка, у некаторых зрабілі пробныя выезды на палі, у іншых, адрамантаваўшы плугі, прыступаюць да рамонту барон і вазоў. На днях у Бабруйскай вобласці збіраліся на нараду для абмеркавання пытанняў абнаўлення севазваротаў. За поспехі ў гэтым кірунку па рашэнні Бабруйскага абласнога выканаўчага камітэта былі ўзнагароджаны лепшыя спецыялісты. Аднак газета адзначае і зацягванне выканання плана па шэрагу іншых напрамкаў: лесанарыхтоўках у Любанскім раёне (цяпер Мінскай вобласці); будаўніцтву дамоў для калгаснікаў у Клічаўскім раёне (цяпер Магілёўскай вобласці), дзе многія яшчэ жывуць у зямлянках; выпуску матэрыялаў для будаўніцтва ў Кастрычніцкім раёне, дзе прамысловы камбінат позніцца з вырабам аконных рам і дзвярэй для дамоў, якія будуюцца. Гонар выклікае чытанне нататкі пра працу Слуцкай гарбарнай арцелі “Чырвоны гарбар”, якая выпускае прадукцыю звыш плана, прычым выдатнай якасці.

Сярод анонсаў культурнай праграмы – мерапрыемствы, прысвечаныя паэту У. Маякоўскаму, запланаваныя на красавік; прыезд у Мінск на першамайскія святы артыстаў Ленінградскай эстрады. Таксама ў БССР запрошаны вядучыя калектывы СССР, у прыватнасці квартэт імя Глазунова, эстрадна-меладычны ансамбль пад кіраваннем Градскага, які наведае Пінск, Брэст, Гомель, Бабруйск. У Мінску зараз знаходзяцца на гастролях артысты Маскоўскай эстрады. А Дзяржаўны ансамбль песні і танца БССР у гэтыя дні працягвае радаваць гледачоў і слухачоў у заходніх абласцях рэспублікі, неўзабаве туды ж накіруюцца артысты эстрады і філармоніі Беларусі (“Советская Белоруссия”, № 53).

У Бабруйскім абласным драмтэатры паказалі пастаноўку “Жыццё вучыць» па п’есе народнага артыста БССР В.Я. Галаўчынера “Урок жыцця” і ўжо рэпеціруюць новую п’есу – камедыю “Надзвычайны закон” братоў Тур (“Звязда”, № 54). Цікава, што пісьменнікі Л. Тубельскі і П. Рыжэй, якія пісалі пад псеўданімам “браты Тур”, разам з Л. Шэйніным пасля стварылі сцэнарый кінастужкі “Сустрэча на Эльбе”, знятага ў 1949 г. рэжысёрам Р. Аляксандравым, і ў складзе здымачнай групы атрымалі Сталінскую (Дзяржаўную) прэмію першай ступені (1950). Гэтая сустрэча амерыканскай і савецкай армій адбудзецца ўжо праз месяц – у канцы красавіка 1945 года.

А да Перамогі застаецца яшчэ 48 дзён…

Аўтар публікацыі: Л. Тупчыенка-Кадырава, аддзел карпаратыўнага ўзаемадзеяння.

Усе матэрыялы праекта даступны на партале НББ і сайце “Беларусь у інфармацыйнай прасторы”.

Навіны

6 Кра 2020

Пакуль каранавірус шчыруе па планеце, пакінуўшы агаломшанымі мільёны ці нават мільярды людзей, некаторых стрэс і страх, наадварот, мабілізуюць, натхняюць на новыя творы. Так, вядомы італьянскі пісьменнік і фізік па адукацыі Паўла Джардана паспеў напісаць эсэ «Заражэнні» (з італьянскай літаральна «У заражэнні» / Nel contagio), прысвечанае каранавірусу.

Навіны бібліятэк

7 Кра 2020

“Купалаўскі дома” – гэта паказы спектакляў з архіва тэатра, творчых вечароў нашых артыстаў, сустрэч, святочных мерапрыемстваў і іншых відэазапісаў, якімі мы з любоўю і ўдзячнасцю гатовыя з вамі падзяліцца.

Навіны бібліятэк

7 красавіка 1945 года. 33 дні да Перамогі

7 Кра 2020

Вызваленне населеных пунктаў у паласе Карпатаў. Вулічныя баі ў Вене. Ваенныя дзеянні ў басейне Ціхага акіяна. Знойдзены залаты запас германскага імперскага банка. Задачы жывёлагадоўчай галіны. Нарада перадавікоў сельскай гаспадаркі. Газеты: “Советская Белоруссия” (№№ 62, 63), “Звязда” (№ 63).

Праект “100 дзён да Вялікай Перамогі. Па старонках беларускіх газет 1945 г.”

6 красавіка 1945 года. 34 дні да Перамогі

6 Кра 2020

Перамога Чырвонай арміі пад Гданьскам. Вызваленне населеных пунктаў у паласе Карпатаў. Вясновая пуціна. Аднаўленчыя працы ў гарадах. Тэатры рыхтуюцца да летняга сезона. Газеты: “Советская Белоруссия” (№№ 61, 62), “Звязда” (№ 62).

Праект “100 дзён да Вялікай Перамогі. Па старонках беларускіх газет 1945 г.”

5 красавіка 1945 года. 35 дзён да Перамогі

5 Кра 2020

Перамогі Чырвонай арміі. Ваенныя трафеі. Рашэнне чылійскага сената. Нямецкія салдаты масава здаюцца ў палон. Пачатак пасяўных работ. Сацспаборніцтва МТС. Выстава конкурсных праектаў у Дзяржаўнай бібліятэцы БССР імя У.І. Леніна. Газеты: «Советская Белоруссия» (№№ 60, 62), «Звязда» (№№ 61, 63, 64).

Праект “100 дзён да Вялікай Перамогі. Па старонках беларускіх газет 1945 г.”

3 Кра 2020

1 красавіка ў кнігарні «Дом кнігі «Светач» (г. Мінск, пр-т Пераможцаў, 11) адбылася імпрэза «Кніжны свет Беларусі: Гродзеншчына», на якой расказалі аб лепшых, найболей адметных кнігах, звязаных з Гродна і яго ваколіцамі.

Навіны бібліятэк

Разам – мы пераможам!

3 Кра 2020

2 красавіка па ініцыятыве Міністэрства замежных спраў Рэспублікі Беларусь на вонкавым электронным светлавым табло Нацыянальнай бібліятэкі Беларусі запушчана акцыя падтрымкі і салідарнасці нашай краіны з дзяржавамі, якія на сённяшні дзень найбольш пакутуюць ад заражэння COVID-19.

Навіны Нацыянальнай бібліятэкі Беларусі

111