Штогод 24 мая ў розных частках славянскага свету адзначаюць Дзень славянскага пісьменства і культуры. Свята цесна звязана з постацямі святых раўнаапостальных братоў Кірыла і Мяфодзія.
Віртуальная выстаўка “Спадчына Кірыла і Мяфодзія” структурна падзяляецца на часткі: па-першае, прыводзяцца біяграфічныя звесткі пра асветнікаў, па-другое, акрэсліваюцца ў храналагічным парадку значныя падзеі ў жыцці братоў.
Далей разглядаецца дзейнасць пераемнікаў і захавальнікаў спадчыны Кірыла і Мяфодзія і адрозненне глаголіцы ад кірыліцы.
У наступным раздзеле прыведзены прыклады старажытных славянскіх рукапісных тэкстаў, якія з’явіліся дзякуючы ўкладу і карпатлівай працы асветнікаў, а таксама шэраг старажытных рукапісных тэкстаў з фондаў НББ.
Завяршаюць віртуальную выстаўку выявы Кірыла-Мяфодзіеўскіх зборнікаў і першыя навуковыя працы знакамітых даследчыкаў.
Матэрыял пададзены аддзелам галерэйна-выставачнай дзейнасці.
