ГалоўнаяНавіныВіртуальныя выстаўкі
«Я пакінуў у дарозе многа…»
Вялікі талент, вялікая работа, вялікае сэрца

Віртуальная выстаўка пра тайны беларускага арнаменту

Віртуальная выстаўка пра тайны беларускага арнаменту
Іншыя навіны

Многае са старажытнай культуры ўспрымаецца намі як таямнічае і незразумелае. Нешта забылася, сэнс некаторых рэчаў ужо невядомы. Аднак яны захаваліся ў нашым жыцці: у абрадах, звычаях, сімвалах, матывах. Ва ўзорах тканых і вышываных вырабаў зашыфравана важная для нашчадкаў аповесць пра нацыянальныя традыцыі і жыццё нашага народа, хараство прыроды Беларусі і яе руплівых людзей.

Пастаянная віртуальная выстаўка “Узоры беларускай душы: арнаменты роднага краю” ўвабрала ў сябе шматграннасць арнаменту як культурнай з’явы.

Экспазіцыя знаёміць з характэрнымі асаблівасцямі ўзораў на беларускіх традыцыйных тканых вырабах. Прадстаўлены гістарычныя, мастацтвазнаўчыя, фальклорныя і іншыя матэрыялы з даследаваннямі гэтай тэмы айчыннымі навукоўцамі. Асаблівую каштоўнасць мае кніга доктара мастацтвазнаўства, прафесара М.С. Кацара “Беларускі арнамент” – унікальны збор даваенных запісаў, гутарак, замалёвак і фотаздымкаў.

У кожным шыўку ўзору заключаны глыбокі сэнс. Выстаўка дае магчымасць пазнаць тайны сімвалаў і матываў беларускага арнаменту, навучыцца “чытаць” іх.

Некалькі раздзелаў экспазіцыі прысвечаны гісторыі мастацкага ткацтва і вышыўкі, ручніка і народнага касцюма.

Частка экспазіцыі расказвае пра выдатны феномен нацыянальнай культуры Беларусі – слуцкія паясы. Узорыстыя шаўковыя паясы, што вырабляліся на Слуцкай мануфактуры, атрымалі сусветную вядомасць і сталі сведчаннем таленту айчынных майстроў. Для ілюстрацыі падаюцца прыклады слуцкіх паясоў з фотальбома “В граде Слуцке”.

Апошні раздзел дэманструе пераемнасць народных арнаментальных традыцый у дэкоры сучасных вырабаў.

Тэлефон для даведак: (8 017) 293 27 53.

Матэрыял прадастаўлены аддзелам абслугоўвання спецыялізаванымі фондамі.

Навіны

Прэзентацыя электроннага выдання "Не пакідайце ж мовы нашай беларускай…"

14 Лют 2020

19 лютага ладзіцца прэзентацыя электроннага выдання “Не пакідайце ж мовы нашай беларускай…”, прысвечанага 180-годдзю з дня нараджэння Францішка Багушэвіча.

Навіны Нацыянальнай бібліятэкі Беларусі

Духоўная асвета праз дзейнасць бібліятэк: да 500-годдзя з дня заснавання Свята-Успенскага Жыровіцкага манастыра

14 Лют 2020

12 лютага ў ГУ “Цэнтралізаваная сістэма дзіцячых бібліятэк г. Мінска” адбыўся круглы стол “Духоўная асвета праз дзейнасць бібліятэк: да 500-годдзя з дня заснавання Свята-Успенскага Жыровіцкага манастыра”.

Навіны Нацыянальнай бібліятэкі Беларусі

Рэсурсы ВЧЗ у лічбавай трансфармацыі адукацыі

14 Лют 2020

13 лютага рэсурсы віртуальнай чытальнай залы Нацыянальнай бібліятэкі Беларусі былі прадстаўлены на VII Адкрытай навукова-практычнай канферэнцыі з міжнародным удзелам “Дарожная карта лічбавай трансфармацыі адукацыі”.

Навіны Нацыянальнай бібліятэкі Беларусі

111