Дзіцячая, мастацкая, навуковая літаратура... Упершыню ў Нацыянальнай бібліятэцы Беларусі на выстаўцы “Кнігі Беларусі. Год 2019” прадстаўлена ўся палітра айчыннага кнігавыдання.
У рэспубліцы выдавецкай дзейнасцю займаюцца больш за 500 суб’ектаў гаспадарання, дзякуючы якім у гэтым годзе выдадзена больш за 9 000 кніг агульным накладам больш за 20 млн асобнікаў.
На выстаўцы наведвальнікі могуць самастойна ацаніць узровень прафесіяналізму беларускіх выдаўцоў, паліграфістаў, азнаёміцца з тэматычнай разнастайнасцю кніг, а таксама нагледзець асобнікі для сваёй дамашняй бібліятэкі.
Экспазіцыя прадстаўлена ўвазе наведвальнікаў да 30 студзеня 2020 г. у выставачным комплексе (пам. 104).
Уваход – па чытацкім білеце або білеце сацыякультурнага цэнтра.
Матэрыял прадастаўлены аддзелам сувязей з грамадскасцю.