Сацыякультурныя паслугі

Адным з прыярытэтных напрамкаў дзейнасці бібліятэкі з’яўляецца задавальненне сацыякультурных патрэб карыстальнікаў. Прадастаўляецца магчымасць наведвання музея кнігі, мастацкіх і кніжных выставак, праводзяцца экскурсіі. У бібліятэцы створаны ўмовы для карыстальнікаў з абмежаванымі фізічнымі магчымасцямі: пандусы, механічны пад’ёмнік, прылада для павялічвання плоскадрукаваных тэкстаў, машына для чытання плоскадрукаваных тэкстаў. Наведвальнікам з дзецьмі на час работы ў бібліятэцы прапануе свае паслугі дзіцячы пакой. Акрамя гэтага, у бібліятэцы абсталяваны фізкультурна-аздараўленчы комплекс, працуюць два кафэ.