Францыск Скарына: падарожжа на Радзіму
На выстаўцы экспанавалія Біблія Ф. Скарыны з Верхнялужыцкай навуковай бібліятэкі (Гёрліц, Германія) і выданні Ф. Скарыны з фондаў Нацыянальнай бібліятэкі Беларусі.
Асобнік з Гёрліца, які быў выяўлены ў 2003 г. у Верхнялужыцкай навуковай бібліятэцы (ВЛНБ), складаецца з 11 алігатаў: кніга Прамудрасць, чатыры кнігі Царстваў, пяцікніжжа Маісея (кніга Быццё, кніга Зыход, кніга Левіт, кніга Лічбы, кніга Другі закон) і кніга Іісуса Навіна.
Асаблівую каштоўнасць уяўляюць: пяцікніжжа Маісея і кніга Іісуса Навіна, якія адсутнічаюць у фондзе Нацыянальнай бібліятэкі Беларусі (НББ), кніга Быцця з агульным для ўсей Бібліі гравіраваным тытульным аркушам, кнігі Царстваў з вядомым партрэтам Францыска Скарыны.
Выдавецкую дзейнасць Скарына пачаў у Празе ў 1517 г., дзе надрукаваў Псалтыр, а затым 22 кнігі Старога Запавету пад агульнай назвай “Бівлія руска”. Усе яны выпушчаны фарматам у чацвёртую долю аркуша, што было не характэрна для заходнееўрапейскіх друкаваных Біблій таго часу. Тэксты Бібліі надрукаваны на царкоўнаславянскай мове ў беларускамоўнай рэдакцыі. У сваіх прадмовах Скарына падкрэслівае, што мэта яго выдавецкай дзейнасці – дапамагчы простым людзям “познать мудрость и науку”, “абы, научившиеся мудрости, добро жили на свете”. Шматлікія гравюры ў яго кнігах вылучаюцца арыгінальнасцю кампазіцый, сюжэтаў і майстэрствам гравіравання.
 |
 |
 |
| Канвалют Бібліі Ф. Скарыны з 11 кніг (з фонду ВЛНБ) | Гравіраваны тытульны ліст Бібліі | Кніга Быццё (з фонду ВЛНБ) |
 |
 |
 |
| Кніга Прамудрасць(з фонду ВЛНБ) | Гравюра кнігі Прамудрасць | Кніга Царстваў з партрэтам Францыска Скарыны (з фонду ВЛНБ) |
 |
 |
 |
| Кніга Ісуса Навіна (з фонду ВЛНБ) | Гравюра кнігі Ісуса Навіна | Кніга Ісуса Навіна (з фонду ВЛНБ) |
 |
 |
 |
| Кніга Другі закон (з фонду ВЛНБ) | Гравюра кнігі Зыход | Кніга Другі закон (з фонду ВЛНБ) |
 |
 |
 |
| Кніга Прамудрасць Саламона. Прага, 1518 (з фонду НББ) | Кнігі Царстваў. Прага, 1518 (з фонду НББ) | Кніга Іова. Прага, 1517 (з фонду НББ) |
 |
 |
 |
| Эклезіяст. Прага, 1518 (з фонду НББ) | Песня песням. Прага, 1518 (з фонду НББ) | Кніга Прамудрасць Іісуса сына Сірахава. Прага, 1517 (з фонду НББ) |
