Святая Пасха

Асноўную частку экспазіцыі складаюць мініяцюрныя кнігі XIX–XXI стст.: зборнікі каталіцкіх песнапенняў і малітоўнікі, зборнікі праваслаўных абразоў, мастацкая проза і паэзія рэлігійнай тэматыкі.

Асаблівае месца на выстаўцы займае шматкаляровае ілюстраванае «Евангелие в красках Палеха» (2005). Над мініяцюрамі для гэтага выдання працавалі майстры старажытнага цэнтра іканапісу ў г. Палеху. Яно ўнікальна тым, што ўпершыню ў Расіі была зроблена спроба мастацкага прачытання Евангелля з захаваннем старажытнарускіх традыцый і прынцыпаў іканапіснай школы, канонаў праваслаўя, пры беражлівым захоўванні самабытнасці Палехскай школы іканапіснай мініяцюры.