20 снежня 2005г. у Музеі сучаснага выяўленчага мастацтва адкрылася выстаўка "Арт - крок на Каляды", арганізатарамі якой выступілі Нацыянальная бібліятэка Беларусі і Міжнародная гільдыя жівапісцаў.
У выстаўцы прынялі ўдзел каля 50 жывапісцаў, а гэта ў асноўным найбольш вядомыя і актыўныя мастакі, ствараючыя грунт беларускай мастацкай школы. Гледачу прадстаўлена шырокая палітра розных напрамкаў і стыляў, цікавых індывідуальных манер, тэхнік, карацей кажучы, апошніх тэндэнцый у сучасным беларускім жывапісе. Ад рэалістычных краявідаў Лубнеўскага Алеся, Бархаткова Ігара, Шкарубы Валерыя, Ісаёнкаў Марыі і Міколы да сюррэалізму Малішэўскага Сяргея, Скрыпнічэнкі Георгія, ад складаных сімвалічных палотнаў Драздова Генадзя, Ястраба Фёдара, да асацыятыўных прац Луцэвіч Зоі, Сямілетава Івана, Рачкоўскай Наталлі - усё зможа ўбачыць і ацаніць дасціпны глядач ў Музеі сучаснага выяўленчага мастацтва (прасп. Незалежнасці, 47).
На вернісажы многія сталі ўдзельнікамі каляднай дзеі, арганізаванай маладымі супрацоўнікамі Нацыянальнай бібліятэкі Беларусі і студэнтамі БДУ культуры і мастацтва, а таксама вядомым этна-гуртам "Ліцьвіны".
Выстаўка працягнецца да 7 студзеня 2006 г.
Куратар праекта - Фёдар Ястраб.
Куратар праекта - Фёдар Ястраб.
Кантактны тэл. : 209-13-84, Маб. : 779-53-48
 |
 |
 |
 |
