“Цікава пачытаць”: заняткі па кнізе “Зайкины зимние сказки”

21 студзеня дзіцячы пакой запрашае дзяцей 6–10 гадоў на заняткі “Цікава пачытаць” па кнізе Святланы Бахновай “Зайкины зимние сказки”.

Дзеці прачытаюць займальныя гісторыі аб сяброўстве і дабрыні. Галоўны герой усіх казак, маленькі Зайка, заўсёды ва ўсім сумняваецца, сумуе і нават часам здзяйсняе дрэнныя ўчынкі. Але ў яго ёсць верны сябар – Медзведзяня, які заўсёды дапаможа і падкажа, як паступіць правільна.

Пасля чытання кнігі дзеці зробяць для Зайкі-ласуна цукерку з каляровай паперы ў тэхніцы мадэлявання і пагуляюць у рухавую гульню “Выдумшчыкі”.

Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.