Музей кнігі

Пастаянныя экспазіцыі

Брама кніжных скарбаў

Экспазіцыя знаёміць з развіццём беларускага кнігадрукавання ў кантэксце сусветнай гісторыі кнігі, асаблівасцямі беларускай, еўрапейскай і ўсходняй кніжнай культуры.

Нацыянальная бібліятэка Беларусі. Вехі гісторыі

Выстаўка змяшчае шэраг арыгінальных матэрыялаў з фондаў бібліятэкі (копіі архіўных дакументаў, бібліяграфічныя выданні, рукапісы), якія дазваляюць прасачыць багатую гісторыю станаўлення і развіцця галоўнай бібліятэкі краіны.

Выстаўкі

Прымеркавана да 395-годдзя з дня нараджэння Сімяона Полацкага (1629–1680) – велічнай постаці беларускай і ўсходнеславянскай літаратуры, філасофіі, культуры.

У музеі кнігі прадстаўлены арыгінальныя выданні твораў ураджэнца Полаччыны, што надрукаваны ў маскоўскіх друкарнях. Сярод іх – палемічны твор Сімяона Полацкага “Жезл правления” (1667 і 1773), унікальны паэтычны помнік не толькі славянскай, але і сусветнай культуры, манументальны вершаваны твор “Псалтирь рифмотворная” з рукапіснымі нотамі Васіля Цітова (1680), зборнікі “Обед душевный” (1681) і “Вечеря душевная” (1683), у склад якіх увайшлі больш за 200 пропаведзяў, складзеных на працягу жыцця і інш.

Кнігазбор ураджэнца Магілёўшчыны Ягора Іванавіча Бараноўскага ў пачатку 1920-х гг. стаў адным са значных набыткаў, якія папоўнілі фонд Нацыянальнай бібліятэкі Беларусі.

Асабістая бібліятэка з яго сядзібы “Выдранка” налічвала каля 10 000 кніг і з’яўлялася адной з найбуйнейшых не толькі ў Беларусі.

Экспазіцыя прапануе знаёмства з багатым асартыментам кнігазбору Ягора Бараноўскага.

Архіў выставак

Тэматычныя экскурсіі

Экскурсія для дзяцей "Падарожжа ў краіну кніжных скарбаў"

Экскурсія ў захапляльнай форме знаёміць юных наведвальнікаў 10–12 гадоў з гісторыяй кнігі: першымі пісьмовымі матэрыяламі, узнікненнем і традыцыйным афармленнем рукапіснай кнігі, з вынаходніцтвам кнігадрукавання і рознымі спосабамі афармлення друкаваных кніг.

Музейныя заняткі

Музей кнігі запрашае да ўдзелу ў квесце “Буквар – шлях да ведаў”.

Буквар – пачатак усіх пачаткаў, першая кніга для навучання грамаце. Дзякуючы яму мы не толькі робім першыя крокі ў свеце ведаў, але і далучаемся да гісторыі сваёй Айчыны, культуры і традыцый продкаў.

Удзельнікі квеста ў гульнявой форме даведаюцца аб тым, як з’явіўся алфавіт, як да нас прыйшоў буквар і якая яго роля сёння.

Дзяцей чакае вясёлае падарожжа ў свет кніг для навучання грамаце, падчас якога яны змогуць даведацца шмат новага.

Музейныя заняткі разлічаны на дзяцей 6–16 гадоў.

Падчас інтэрактыўных творчых заняткаў можна пазнаёміцца з гісторыяй кнігі, даведацца пра сакрэты яе стварэння і цікавосткі, схаваныя ўнутры.

Мэта заняткаў – пазнаёміць маленькіх чытачоў з айчыннай кніжнай спадчынай, заахвоціць да чытання, зрабіць кнігу лепшым сябрам. Дзяцей чакаюць творчыя заданні і вясёлыя гульні.

Музейныя заняткі разлічаны на дзяцей 6–16 гадоў.

Чароўны мір кнігі чакае вас! Давайце чытаць разам!

Тэматыка заняткаў:

• Нацыянальная бібліятэка Беларусі – дом, дзе жывуць кнігі
• Як да нас прыйшла кніга
• Стварэнне паперы
• Вынаходніцтва стагоддзя – друкарскі станок Іагана Гутэнберга
• Хто такі Францыск Скарына
• Рэдкая кніга – гэта…
• Аздабленне каштоўных кніг
• Знойдзена ў кнігах
• Гербарый

Унікальнасць заняткаў заключаецца ў магчымасці вывучэння нацыянальнай кніжнай спадчыны з дапамогай самага багатага збору кніжных помнікаў. Наведвальнікі пазнаёмяцца з “доўгажыхарамі” кніжнай культуры, у тым ліку экзэмплярамі, якім ужо 100, 200, 300, 400 і нават 500 гадоў.

Дзяцей чакаюць вясёлыя творчыя заданні і гульні. Мэта заняткаў – не толькі адкрываць для дзяцей навуковыя факты, а зацікавіць тэмай, каб у іх з'явіўся імпульс самім чытаць і пазнаваць новае.

Музейныя заняткі разлічаны на дзяцей 6–16 гадоў.