Дата правядзення
Час правядзення
Месца правядзення
З 2 сакавіка па 11 красавіка ў зале дакументаў міжнародных арганізацый (пам. 207g) адкрыта тэматычная выстава “У природы нет плохой погоды”, прысвечаная Сусветнаму метэаралагічнаму дню.
Сусветны метэаралагічны дзень штогод, пачынаючы з 1961-га, святкуецца 23 сакавіка. Дата абрана не выпадкова: у гэты дзень у 1950 годзе ўступіла ў сілу канвенцыя, у адпаведнасці з якой была створана Сусветная метэаралагічная арганізацыя (СМА).
Прапанаваная выстава налічвае каля 70 дакументаў на рускай і англійскай мовах. Гэта кнігі, брашуры, перыядычныя выданні, буклеты.
Дакументы пазнаёмяць чытача з дзейнасцю Сусветнай метэаралагічнай арганізацыі, накіраванай на даследаванне стану і паводзін атмасферы Зямлі, змены пагодных і кліматычных умоў.
Прадстаўленыя на выставе матэрыялы знаёмяць з праблемамі, якія стаяць перад метэаралагічнай навукай і гідралогіяй, з вынікамі міжнароднага супрацоўніцтва нацыянальных метэаралагічных службаў і гідралагічных службаў СМА, з даследаваннямі ў галіне надвор’я, клімату і водных рэсурсаў.
Сярод экспанатаў – энцыклапедычныя выданні, аналітычныя агляды, манаграфіі, матэрыялы навукова-практычных канферэнцый, навучальныя дапаможнікі.
Экспазіцыя складаецца з наступных тэматычных раздзелаў:
- Метэаралогія – навука аб атмасферы Зямлі
- Сучасныя сістэмы назіранняў за надвор’ем
- Сусветная метэаралагічная арганізацыя (СМА)
- Міжнародныя намаганні па маніторынгу і абароне навакольнага асяроддзя
- Змяненне клімату і кіраванне воднымі рэсурсамі
Выстава прызначана для спецыялістаў у галіне метэаралогіі, гідралогіі, экалогіі, геафізічных навук, студэнтаў і выкладчыкаў, навуковых работнікаў, а таксама ўсіх, хто цікавіцца пытаннямі змены клімату і аховы навакольнага асяроддзя.
Сусветны дзень метэаралогіі адзначаецца як напамін пра важнасць правядзення метэаралагічных даследаванняў, а таксама важнасць захавання атмасферы і гідрасферы планеты. Ён дэманструе істотны ўклад нацыянальных метэаралагічных і гідралагічных службаў у забеспячэнне бяспекі і дабрабыту грамадства і адзначаецца мерапрыемствамі па ўсім свеце.
Адначасова з міжнародным святам 23 сакавіка адзначаецца Дзень работнікаў гідраметэаралагічнай службы Рэспублікі Беларусь. Прафесійнае свята заснавана ў 2012 годзе. Метэаралагічныя назіральныя станцыі размешчаны ў многіх пунктах нашай краіны. Яны забяспечваюць гідраметэаралагічную бяспеку, папярэджваюць аб пагодных катаклізмах, памяншаюць пагрозы чалавечага жыцця і шкоду эканоміцы Беларусі ад пагодна-кліматычных з’яў.
Кожны год СМА святкуе Сусветны метэаралагічны дзень пад пэўным дэвізам, надаючы асаблівую ўвагу канкрэтнай і актуальнай на дадзены момант тэме. У 2023-м Сусветны метэаралагічны дзень прысвечаны тэме “Будучыня надвор’я, клімату і вады праз пакаленні” (The Future of Weather, Climate and Wateracross Generations).
Карысныя спасылкі
- Сусветная метэаралагічная арганізацыя
- Сусветны метэаралагічны дзень
- Пасланне Петары Тааласа, генеральнага сакратара СМА
- “Метэатэрм”
- Праграмныя дакументы / Стандарты
- MeteoWorld
- Бюлетэнь
- Праграмы СМА
- Праекты СМА
Час работы выставы адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 28.
Матэрыял пададзены аддзелам абслугоўвання афіцыйнымі дакументамі.