Дата правядзення
Час правядзення
Месца правядзення
2023 год аб’яўлены Годам міру і стварэння. Гэтай важнай тэме прысвечана выстаўка плакатаў і паштовак з фондаў Нацыянальнай бібліятэкі, адкрытая з 15 сакавіка ў зале дакументаў па мастацтве (пам. 306).
Кожны з нас жадае жыць у дружбе і такім свеце, дзе людзі супрацоўнічаюць і дапамагаюць адзін аднаму, разам пераадольваючы ўсе перашкоды і цяжкасці. Кожнай сям’і і кожнаму чалавеку хочацца жыць у мірнай краіне.
Прадстаўленыя выяўленчыя дакументы ахопліваюць перыяд з 1950-х гадоў да сённяшняга дня. Плакаты і паштоўкі адлюстроўваюць важнасць захавання міру і ўмацавання стабільнасці грамадства. Кожны чалавек можа ўнесці свой уклад у агульную справу, увасабляючы ў жыццё стваральныя ідэі і ўмацоўваючы мір добрасумленнай працай.
Адмысловае месца займаюць матэрыялы, якія дэманструюць сямейныя каштоўнасці, бо здаровая і шчаслівая сям’я – аснова стваральнага грамадства.
Запрашаем наведаць выстаўку да 6 красавіка 2023 года.
Дата яе заканчэння можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 53.
Матэрыял пададзены аддзелам абслугоўвання спецыялізаванымі фондамі.