Дата правядзення
Час правядзення
Месца правядзення
13 верасня а 11-й гадзіне ў Доме прэсы пройдзе прымеркаваная да Дня бібліятэк прэс-канферэнцыя на тэму: “Роля бібліятэк у жыцці беларусаў і фарміраванні патрыятычнай свядомасці моладзі”.
У мерапрыемстве возьмуць удзел генеральны дырэктар Нацыянальнай бібліятэкі Беларусі Вадзім Гігін, прадстаўнікі Міністэрства інфармацыі, Міністэрства культуры, Цэнтралізаванай сістэмы дзіцячых бібліятэк г. Мінска, абласных, раённых і сельскіх бібліятэк Рэспублікі Беларусь.
На прэс-канферэнцыі абмяркуюць актуальныя пытанні развіцця бібліятэчнай сферы і ролю бібліятэк у жыцці беларусаў. Якія маладзёжныя праекты плануюцца ў 2024 годзе? Як у сваю працу бібліятэкі інтэгравалі магчымасці сацыяльных сетак? Які эфект дае вядзенне сацсетак і месенджараў? Якія спосабы для прыцягнення чытачоў выкарыстоўваюць бібліятэкі на рэспубліканскім, абласным і раённым узроўнях? Якая наведвальнасць бібліятэк у сённяшні час?
Прэс-канферэнцыя будзе трансліравацца на YouTube-канале РУП “Дом прэсы”.
Матэрыял пададзены аддзелам сувязей з грамадскасцю.
