Зводны электронны каталог бібліятэк Беларусі

Зводны электронны каталог бібліятэк Беларусі (ЗЭК) – сістэма зводных электронных каталогаў, якія адлюстроўваюць бібліяграфічную інфармацыю аб фондах бібліятэк Рэспублікі Беларусь.

У склад ЗЭК бібліятэк Беларусі ўваходзяць:

• зводны электронны каталог сістэмы карпаратыўнай каталагізацыі – нацыянальны карпаратыўны інфармацыйны рэсурс, які фарміруецца на базе чатырох рэспубліканскіх бібліятэк: Нацыянальнай бібліятэкі Беларусі, Цэнтральнай навуковай бібліятэкі імя Я. Коласа Нацыянальнай акадэміі навук Беларусі, Рэспубліканскай навукова-тэхнічнай бібліятэкі і Прэзідэнцкай бібліятэкі Рэспублікі Беларусь;
• рэгіянальныя зводныя электронныя каталогі бібліятэк Беларусі – нацыянальныя карпаратыўныя інфармацыйныя рэсурсы, якія адлюстроўваюць фонды бібліятэк рэгіёнаў краіны.

Зводны электронны каталог сістэмы карпаратыўнай каталагізацыі (ЗЭК СКК) прызначаны для каардынацыі дзейнасці бібліятэк Беларусі па фарміраванні бібліяграфічных і аўтарытэтных запісаў у нацыянальных фарматах BELMARC і інтэграцыі рэсурсаў на ўзроўні краіны.

У ЗЭК СКК прадстаўлены метаданыя рэспубліканскіх бібліятэк на наступныя калекцыі дакументаў: кнігі, нотныя і выяўленчыя дакументы, дысертацыі, карты, перыядычныя выданні, аўдыя– і відэадакументы, рэдкія выданні / старадрукі, дакументы міжнародных арганізацый. Колькасць бібліяграфічных запісаў складае больш за 6,3 млн. Яны ўтрымліваюць разгорнутую бібліяграфічную інфармацыю са звесткамі аб наяўнасці экзэмпляраў пералічаных відаў дакументаў і шыфрах іх захоўвання ў фондах вышэйназваных рэспубліканскіх бібліятэк.

Для забеспячэння эфектыўнасці інфармацыйнага пошуку ў ЗЭК СКК ствараецца карпаратыўная база даных аўтарытэтных запісаў, якая абслугоўвае тэхналогію бягучай каталагізацыі. База даных налічвае больш за 2,7 млн. аўтарытэтных запісаў на такія найменні, як імя асобы, найменне арганізацыі, радавое імя, гандлёвая марка, геаграфічная назва, тэматычны прадмет, форма, жанр і фізічныя характарыстыкі дакумента.

Рэгіянальныя зводныя электронныя каталогі (РЗЭК) бібліятэк Беларусі ствараюцца з мэтай каардынацыі дзейнасці бібліятэк рэгіёнаў па фарміраванні інфармацыйных рэсурсаў у нацыянальным фармаце BELMARC з выкарыстаннем прынцыпаў карпаратыўнай каталагізацыі, забеспячэння інтэграцыі метаданых інфармацыйных бібліятэчных рэсурсаў на ўзроўні абласцей і краіны.

Дадзеныя рэсурсы ўтрымліваюць бібліяграфічныя звесткі аб складзе фондаў 1 208 бібліятэк з 76 бібліятэчных устаноў краіны, якія ўключаюць: кнігі, брашуры, аўдыявізуальныя дакументы, выяўленчыя дакументы, нотныя выданні, картаграфічныя матэрыялы, аўтарэфераты дысертацый, састаўныя часткі дакументаў па краязнаўстве і электронныя рэсурсы.

Для карыстальнікаў, чытачоў бібліятэк – удзельніц ЗЭК СКК, даступны сэрвіс аддаленага заказа дакументаў.

У склад рэгіянальнай сеткі Зводнага электроннага каталога бібліятэк Беларусі ўваходзяць наступныя РЗЭК бібліятэк Беларусі:

РЗЭК бібліятэк Брэсцкай вобласці адлюстроўвае бібліяграфічную інфармацыю аб фондах бібліятэк Брэсцкай вобласці. Галаўной бібліятэкай па фарміраванні рэсурсу з’яўляецца Брэсцкая абласная навуковая бібліятэка імя М. Горкага. Рэсурс змяшчае звыш 766 тыс. бібліяграфічных запісаў на дакументы, якія захоўваюцца ў фондах наступных бібліятэк вобласці:

• Брэсцкай абласной навуковай бібліятэцы імя М. Горкага;
• Цэнтралізаванай бібліятэчнай сістэме г. Баранавічы;
• Кобрынскай раённай цэнтралізаванай бібліятэчнай сістэме;
• Маларыцкай раённай цэнтралізаванай бібліятэчнай сістэме;
• Жабінкаўскай раённай цэнтралізаванай бібліятэчнай сістэме;
• Брэсцкай раённай бібліятэчнай сетцы;
  
• Івацэвіцкай раённай бібліятэчнай сетцы;
• Пінскай гарадской цэнтралізаванай бібліятэчнай сістэме;
• Столінскай раённай бібліятэчнай сістэме;
• Пінскай раённай цэнтралізаванай бібліятэчнай сістэме;
• Бярозаўскай раённай цэнтралізаванай бібліятэчнай сістэме;
  
• Пружанскай цэнтралізаванай бібліятэчнай сістэме.
  

РЗЭК бібліятэк Віцебскай вобласці адлюстроўвае бібліяграфічную інфармацыю аб фондах бібліятэк Віцебскай вобласці. Галаўной бібліятэкай па фарміраванні рэсурсу з’яўляецца Віцебская абласная бібліятэка імя У.І.Леніна. Рэсурс змяшчае каля 837 тыс. бібліяграфічных запісаў на дакументы, якія захоўваюцца ў фондах наступных бібліятэк вобласці:

• Віцебскай абласной бібліятэцы імя У.І.Леніна;
• Цэнтралізаванай бібліятэчнай сістэме г. Віцебска;
• Цэнтралізаванай бібліятэчнай сістэме г. Наваполацка;
• Аршанскай цэнтралізаванай бібліятэчнай сістэме;
• Лепельскай цэнтралізаванай бібліятэчнай сістэме;
  
• Віцебскай раённай цэнтралізаванай бібліятэчнай сістэме;
  
• Чашніцкай раённай цэнтралізаванай бібліятэчнай сістэме;
  
• Полацкай раённай цэнтралізаванай бібліятэчнай сістэме;
  
• Лёзненскай цэнтралізаванай бібліятэчнай сістэме;
  
• Гарадоцкага культурна-асветніцкага цэнтра і сетцы публічных бібліятэк.
  

РЗЭК бібліятэк Гомельскай вобласці адлюстроўвае бібліяграфічную інфармацыю аб фондах бібліятэк Гомельскай вобласці. Галаўной бібліятэкай па фарміраванні рэсурсу з’яўляецца Гомельская абласная ўніверсальная бібліятэка імя У.І. Леніна. Рэсурс змяшчае каля 340 тыс. бібліяграфічных запісаў на дакументы, якія захоўваюцца ў фондах наступных бібліятэк вобласці:

• Гомельскай абласной універсальнай бібліятэцы імя У.І. Леніна;
• Сеткі публічных бібліятэк горада г. Гомеля;
• Жыткавіцкай раённай сетцы бібліятэк;
• Мазырскай цэнтралізаванай бібліятэчнай сістэме;
• Светлагорскай раённай сетцы бібліятэк;
• Рагачоўскай раённай бібліятэцы імя У. Караткевіча;
• Лоеўскай цэнтральнай раённай бібліятэцы;
• Жлобінскай цэнтралізаванай раённай бібліятэцы імя Н.К. Крупскай;
• Лельчыцкай раённай цэнтралізаванай бібліятэчнай сістэме;
  
• Чачэрскай цэнтральнай раённай бібліятэцы;
  
• Рэчыцкай раённай сетцы бібліятэк;
  
• Хойніцкай цэнтральнай раённай бібліятэцы;
  
• Петрыкаўская сетка публічных бібліятэк.
  

РЗЭК бібліятэк Гродзенскай вобласці адлюстроўвае бібліяграфічную інфармацыю аб фондах бібліятэк Гродзенскай вобласці. Галаўной бібліятэкай па фарміраванні рэсурсу з’яўляецца Гродзенская абласная навуковая бібліятэка імя Я.Ф. Карскага. Рэсурс больш за 1 млн бібліяграфічных запісаў на дакументы, якія захоўваюцца ў фондах наступных бібліятэк вобласці:

• Гродзенскай абласной навуковай бібліятэцы імя Я.Ф. Карскага;
• Цэнтралізаванай бібліятэчнай сістэме г. Гродна;
• Лідскай раённай бібліятэцы імя Я. Купалы;
• Свіслацкай раённай бібліятэцы;
• Астравецкай раённай бібліятэцы;
• Іўеўскай раённай бібліятэцы;
• Ваўкавыскай раённай бібліятэцы;
• Ашмянскай раённай бібліятэцы;
• Навагрудскай раённай бібліятэцы;
• Шчучынскай раённай бібліятэцы імя Цёткі;
• Слонімскай раённай бібліятэцы імя Я. Коласа;
• Смаргонскай раённайя бібліятэцы;
  
• Воранаўскай раённай бібліятэцы;
  
• Карэліцкай раённай бібліятэцы;
  
• Мастоўскай раённай бібліятэцы;
  
• Дзятлаўскай раённай бібліятэцы.
  

РЗЭК бібліятэк Мінскай вобласці адлюстроўвае бібліяграфічную інфармацыю аб фондах бібліятэк Мінскай вобласці. Галаўной бібліятэкай па фарміраванні рэсурсу з’яўляецца Мінская абласная бібліятэка імя А.С. Пушкіна. Рэсурс змяшчае звыш 945 тыс. бібліяграфічных запісаў на дакументы, якія захоўваюцца ў фондах наступных бібліятэк вобласці:

• Мінскай абласной бібліятэцы імя А.С. Пушкіна;
• Маладзечанскай цэнтральнай раённай бібліятэцы імя М. Багдановіча;
• Барысаўскай цэнтральнай раённай бібліятэцы імя І.Х. Каладзеева;
• Бібліятэцы Мінскай духоўнай акадэміі імя мітрапаліта Філарэта (Вахрамеева);
• Салігорскай раённай цэнтральнай бібліятэцы;
  
• Слуцкай раённай цэнтральнай бібліятэцы;
  
• Дзяржынскай цэнтральнай раённай бібліятэчнай сістэме;
  
• Нясвіжскай цэнтральнай раённай бібліятэцы імя Паўлюка Пранузы;
  
• Бібліятэцы Беларускай дзяржаўнай акадэміі музыкі;
  
• Мінскай раённай цэнтральнай бібліятэцы;
  
• Цэнтральнай гарадской бібліятэцы г. Жодзіна;
  
• Мядзельскай цэнтральнай раённай бібліятэцы імя Максіма Танка;
  
• Бібліятэцы Беларускага дзяржаўнага музея гісторыі Вялікай Айчыннай вайны;
  
• Чэрвеньскай цэнтральнай раённай бібліятэцы.
  

РЗЭК бібліятэк Магілёўскай вобласці адлюстроўвае бібліяграфічную інфармацыю аб фондах бібліятэк Магілёўскай вобласці. Галаўной бібліятэкай па фарміраванні рэсурсу з’яўляецца Магілёўская абласная бібліятэка імя У.І. Леніна. Рэсурс змяшчае звыш 637 тыс. бібліяграфічных запісаў на дакументы, якія захоўваюцца ў фондах наступных бібліятэк вобласці:

• Магілёўскай абласной бібліятэцы імя У.І. Леніна;
• Цэнтралізаванай сістэме дзяржаўных публічных бібліятэк г. Магілёва;
• Круглянскай цэнтралізаванай бібліятэчнай сістэме;
• Клімавіцкай бібліятэчнай сетцы;
• Цэнтралізаванай бібліятэчнай сетцы Быхаўскага раёна;
• Чавускай бібліятэчнай сетцы;
• Цэнтралізаванай бібліятэчнай сетцы Шклоўскага раёна;
• Бібліятэчнай сетцы Крычаўскага раёна;
  
• Бібліятэчнай сетцы Хоцімскага раёна;
  
• Бібліятэчнай сетцы Касцюковіцкага раёна;
  
• Бялыніцкай цэнтралізаванай бібліятэчнай сістэме.
  

Работа ва ўмовах функцыянавання РЗЭК бібліятэк Беларусі выконваецца бібліятэкамі рэгіёнаў на базе двухбаковых пагадненняў аб супрацоўніцтве з Нацыянальнай бібліятэкай Беларусі, якая ажыццяўляе каардынацыйнае, метадычнае кіраўніцтва па фарміраванні рэсурсаў і выконвае іх праграмна-тэхнічнае адміністраванне.

Інфармацыйныя рэсурсы ЗЭК бібліятэк Беларусі штодня папаўняюцца ў працэсе спецыялізаванай апрацоўкі і максімальна адаптаваны да запытаў карыстальнікаў і рэалізацыі задач карпаратыўнай каталагізацыі.

Кансультанты:
Ішуціна Алена Іванаўна 
Комлева Таццяна Рыгораўна
Пятроўская Зоя Анатольеўна

Тэлефоны для даведак:
(8 017) 293 27 48
(8 017) 293 29 78
(8 017) 293 29 93

E-mail: skk@nlb.by