З 1 верасня па 14 кастрычніка 2009 года ў зале нотных і аўдыёдакументаў (пам. 305) праходзіць выстаўка “Музыкай асвятляючы жыццё”, прысвечаная 80-годдзю Яўгена Аляксандравіча Глебава (1929–2000).
Яўген Глебаў – беларускі кампазітар, педагог, народны артыст Беларусі, народны артыст СССР.
З творчасцю Я.А. Глебава звязаны новы напрамак беларускага музычнага мастацтва. Разнастайнасць тэм, сюжэтаў, вобразаў, непаўторнасць індывідуальнай манеры і высокі прафесіяналізм робяць яго музыку значнай з’явай у нацыянальнай культуры. Творчы дыяпазон кампазітара вельмі шырокі: опера, аперэта, балет, сімфонія, араторыя, вакальная і джазавая музыка, песня, раманс, інструментальная музыка для тэатра і кіно.
Экспазіцыя налічвае больш за 50 дакументаў і складаецца з двух раздзелаў.
У першым прадстаўлены матэрыялы пра жыццё і творчасць Яўгена Аляксандравіча Глебава, аўтарамі якіх з’яўляюцца Л. Мухарынская, А. Ракава, Дз. Жураўлёў, Л. Ауэрбах, Т. Мдзівані, Р. Сергіенка, С. Нямцова і інш.
Другі раздзел выстаўкі знаёміць з творамі кампазітара: балетамі “Маленькі прынц”, “Ціль Уленшпігель”, “Альпійская балада”, “Мара”, “Выбранніца”, урыўкамі з оперы “Твая вясна”, сімфоніямі, п’есамі для баяна, фартэпіяна, скрыпкі, кларнета, канцэртам для аркестра “Зоў”, харэаграфічнымі навеламі, вакальнымі паэмамі і інш.
Выстаўка ілюстравана фотаздымкамі юбіляра.
Кантактны тэлефон: 293-27-52.
 |
 |
 |
 |
 |
 |
