ГалоўнаяНавіныКніжныя выстаўкі
Арганізацыя Аб’яднаных Нацый – надзея і дом для ўсяго чалавецтва
Калектыў бібліятэкі віншуе!

Сведкі сівой даўніны: замкі, палацы, сядзібы Беларусі

Сведкі сівой даўніны: замкі, палацы, сядзібы Беларусі
Іншыя навіны

З 11 кастрычніка па 29 лістапада ў зале беларускай літаратуры (пам. 205) праходзіць тэматычная выстаўка “Сведкі сівой даўніны: замкі, палацы, сядзібы Беларусі”, на якой прадстаўлены архітэктурныя каштоўнасці беларускага краю.


Старажытныя палацы, замкі і сядзібы – частка духоўнай і матэрыяльнай спадчыны беларускага народа. Яны займаюць значнае месца сярод гістарычных каштоўнасцей нашай краіны.

На выстаўцы экспануюцца шматлікія выданні, якія раскрываюць працэсы станаўлення і развіцця беларускай архітэктуры, паказваюць вытокі ваеннага дойлідства, знаёмяць з архітэктурнымі жамчужынамі Беларусі, якія папоўнілі сусветную скарбніцу ЮНЕСКА, а таксама ўзнімаюць пытанні рэстаўрацыі і аднаўлення помнікаў.

У экспазіцыі прадстаўлены кнігі вядомых архітэктараў, краяведаў, пісьменнікаў – А. Федарука, А. Бутэвіча, В. Калніна, Ю. Татарынава, У. Чантурыі.

Патэнцыял замкаў у якасці аб’ектаў культурнага турызму ў Беларусі вялікі. Кожны з замкаў, які сёння функцыянуе, мае ўласную спецыялізацыю. Мірска-нясвіжскія ваколіцы сталі месцам правядзення музычных фестываляў і вечароў, Лідскі замак зарэкамендаваў сябе як своеасаблівы цэнтр рыцарскага руху і месца правядзення святаў сярэдневяковай культуры. У гродзенскім замку размяшчаецца Гродзенскі дзяржаўны гісторыка-археалагічны музей.

Мірскі замак – унікальны помнік беларускай архітэктуры XVI–XX стст. Сусветная камісія ЮНЕСКА ў 2000 г. прызнала яго адным з шэдэўраў архітэктуры, якія аказалі ўплыў на гісторыю. Нясвіжскі замак і яго музейную экспазіцыю можна разглядаць як жывую энцыклапедыю беларускага і еўрапейскага мастацтва і культуры. На экспазіцыйных паліцах – шматлікія альбомы і даведнікі, прысвечаныя архітэктуры Нясвіжскага палацава-замкавага комплексу і Мірскага замка. Зацікавіць чытачоў і выданне Надзеі Высоцкай “Радзивиллы. Несвиж. Замок” (2014) у 3-х кнігах.

Асобны раздзел прысвечаны праблемам аховы і рэстаўрацыі помнікаў архітэктуры.

Экспазіцыя змяшчае каля 150 дакументаў.

Кантактны тэлефон: (8 017) 293 27 16.

Спіс літаратуры

Навіны

Аб ролі СМІ ў папулярызацыі культурных каштоўнасцей – адкрыты дыялог з міністрам культуры

6 Май 2024

6 мая ў Нацыянальнай бібліятэцы Беларусі адбылася традыцыйная сустрэча міністра культуры Рэспублікі Беларусь Анатоля Маркевіча з прадстаўнікамі сродкаў масавай інфармацыі, прысвечаная Дню друку і Дню работнікаў радыё, тэлебачання і сувязі.

Навіны Нацыянальнай бібліятэкі Беларусі

29–30 красавіка – 1–5 мая 1944 года. 18 тыдняў да Вызвалення

30 Кра 2024

Вялікай Айчыннай вайне прысвячаецца новы праект Нацыянальнай бібліятэкі Беларусі – “Газетныя радкі чытаючы сэрцам. Да 80-годдзя вызвалення Беларусі ад нямецка-фашысцкіх захопнікаў”. Штотыдзень са студзеня па жнівень 2024 года на партале Нацыянальнай бібліятэкі публікуюцца матэрыялы з газет Савецкай Беларусі 1944 года, якія адлюстроўваюць хроніку навін і падзей таго часу.

Праект “Газетныя радкі чытаючы сэрцам. Да 80-годдзя вызвалення Беларусі ад нямецка-фашысцкіх захопнікаў”

Мінскае замчышча: раскопкі 2022–2023 гадоў

3 Май 2024

У 2021-м Савет Міністраў зацвердзіў дзяржаўную праграму “Культура Беларусі” на 2021–2025 гады, якая, між іншага, прадугледжвае даследаванне найбольш значных помнікаў гісторыі, у тым ліку мінскае замчышча.

Навіны Нацыянальнай бібліятэкі Беларусі

Бібліятэкарам