З 5 па 31 сакавіка 2009 года ў Нацыянальнай бібліятэцы Беларусі (2-гі паверх, кальцавы калідор) праходзіць выстаўка “Жанчыны ў гісторыі”, прымеркаваная да Міжнароднага жаночага дня – 8 Сакавіка.
Непаўторныя, невытлумачальныя, чароўныя, загадкавыя – такімі могуць быць толькі жанчыны, і пералік гэтых эпітэтаў можна працягваць бясконца.
Ва ўсе часы прадстаўніцы цудоўнага полу ўмелі захапляць не толькі прыгажосцю, але і розумам, адвагай, высакароднасцю.
З даўніх часоў кола гісторыі рухалі мужчыны, аднак, калі ўважліва ўглядзецца ў мінулае, жанчыны – ваяўніцы, дзяржаўныя дзеячы, вучоныя, прадстаўніцы культуры і мастацтва – ні ў чым не саступалі моцнаму полу.
На выстаўцы прадстаўлена больш за 150 кніг, з якіх чытач даведаецца пра лёсы, тайны, узлёты і падзенні, каханне і здрады, радасць і слёзы выдатных жанчын розных эпох.
Кантактны тэлефон: 293-78-86.