З 2 сакавіка па 27 красавіка ў зале перыядычных выданняў (пам. 106) праходзіць тэматычная выстава “Жыць цяперашнім – думаць пра будучыню”.
Жыццё кожнага чалавека па-свойму цікавае, унікальнае і непаўторнае, і яго хараство заключаецца ва ўменні пражыць і атрымаць асалоду ад яго ў поўнай меры. Прадстаўленыя на выставе публікацыі дапамогуць знайсці важны баланс паміж планамі і мэтамі на будучыню і забеспячэннем сябе тут і цяпер.
Жыццёвы шлях чалавека ў сучасным свеце спалучаны са штодзённымі стрэсамі. Гэта вядзе да павышэння ўзроўню трывожнасці, эмацыянальнага напружання і выгарання, асобасных крызісаў. Гэтыя праблемы падымаюцца ў публікацыях з выданняў “Семейный доктор”, “Народная газета”, “Гомельская праўда” і інш.
Як не апустошыць сябе да канца і застацца рознабаковай асобай, раскажуць публікацыі з часопісаў “Psychologies”, “Здоровый образ жизни”, “Кадровик” і інш.
Вызначыць узровень трывожнасці, атрымаць практычныя рэкамендацыі для павышэння жыццястойкасці або прайсці трэнінг па фарміраванні эмацыянальнай устойлівасці дапамогуць артыкулы з часопісаў “Диалог”, “Пралеска”, “Педагогическая наука и образование” і інш.
Усяго экспазіцыя налічвае больш за 30 перыядычных выданняў.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 25 87.
Матэрыял пададзены аддзелам абслугоўвання спецыялізаванымі фондамі.
