8 снежня 2009 года а 17 гадзіне ў галерэі “Ракурс” Нацыянальнай бібліятэкі Беларусі адбудзецца ўрачыстае адкрыццё выстаўкі “Арт-крок”.
Выстаўка з’яўляецца сумесным праектам Нацыянальнай бібліятэкі Беларусі і Міжнароднай гільдыі жывапісцаў.
Гледачам свае працы прадставяць жывапісцы і майстры фотамастацтва – усяго каля 50 мастакоў. Сярод іх вядомыя майстры, імёны якіх ужо добра знаёмыя беларускаму гледачу: Васіль Касцючэнка і Мікалай Кірэеў, Сяргей Малішэўскі і Дзмітрый Сурыновіч, Аляксандр Забаўчык і Уладзімір Кожух, Аляксандр Ксяндзоў і Георгій Паплаўскі, Фёдар Ястраб і Уладзімір Рынкевіч,– а таксама тыя, хто толькі пачынае свой творчы шлях.
Выстаўка ладзіцца адразу ў трох галерэях Нацыянальнай бібліятэкі Беларусі (“Лабірынт”, “Атрыум”, “Ракурс”) і будзе доўжыцца да 12 студзеня 2010 года.
Тэлефоны для даведак: 293-27-67, 293-28-23.
Е-mail: pr@nlb.by