Для Нацыянальнай бібліятэкі Беларусі і арганізацый-партнёраў па віртуальнай чытальнай зале адкрыты тэставы доступ да базы даных “Ebrary”.
“Ebrary” (калекцыя “Academic Complete”) змяшчае больш за 50 000 электронных версій кніг па гуманітарных навуках: эканоміцы, бізнесе, фінансах, інфарматыцы, інфармацыйных тэхналогіях, адукацыі, гісторыі, паліталогіі, літаратуразнаўстве, мовазнаўстве, праве, міжнародных адносінах, палітыцы, псіхалогіі, рэлігіі, філасофіі, сацыялогіі, антрапалогіі і інш.
Акрамя гэтага, база даных уключае электронную калекцыю кніг па медыцыне і навуках пра жыццё: біялогіі, біяхіміі, імуналогіі, генетыцы, фізіялогіі, экалогіі і інш.
У базе даных “Ebrary” прадстаўлены кнігі больш за 330 вядучых выдавецтваў, уключаючы такія, як “Cambridge University Press”, “Oxford University Press”, “Sage”, “Springer”, “Taylor & Francis”, “Wiley” і інш.
Доступ ажыццяўляецца праз віртуальную чытальную залу Нацыянальнай бібліятэкі Беларусі для карыстальнікаў арганізацый, якія пацвердзілі свой удзел у тэсціраванні рэсурсу.
Доступ да базы даных “Ebrary” адкрыты па 12 кастрычніка 2010 г.
