16 верасня ў Нацыянальнай бібліятэцы Беларусі адбыліся ўрачысты сход і святочны канцэрт, прысвечаныя Дню народнага адзінства.
У мерапрыемстве ўзялі ўдзел генеральны дырэктар Нацыянальнай бібліятэкі Беларусі Аксана Кніжнікава, кіраўнік адміністрацыі Першамайскага раёна г. Мінска Дзмітрый Шашок, дэпутат Палаты прадстаўнікоў Нацыянальнага сходу Рэспублікі Беларусь Алег Гайдукевіч, дэпутат Мінскага гарадскога Савета дэпутатаў Вячаслаў Кузняцоў, дырэктар Інстытута гісторыі Нацыянальнай акадэміі навук Беларусі Вадзім Лакіза, старшы святар храма-помніка ў гонар усіх святых і ў памяць аб ахвярах Айчыны нашай паслужылі протаіерэй Алексій Васін, вядучы спецыяліст прадзюсарскага цэнтра кінастудыі “Беларусьфільм” Юрый Ігруша, прадстаўнікі моладзі Першамайскага раёна г. Мінска.
Святочны настрой мерапрыемству надалі выступленні духавога аркестра 56-га асобнага палка сувязі, салісткі Дзяржаўнага акадэмічнага ансамбля танца Беларусі Валянціны Альшанскай, узорнага ансамбля “Задорынка”.
Нацыянальная бібліятэка Беларусі да свята падрыхтавала кніжную выставу-прагляд. Для гасцей супрацоўнікі бібліятэкі правялі экскурсію па выставачным праекце “Дыяменты стагоддзя: з бібліятэчнай калекцыі”, прысвечанаму 100-годдзю галоўнай бібліятэкі Беларусі.
Арганізатарамі мерапрыемства выступілі Нацыянальная бібліятэка Беларусі і адміністрацыя Першамайскага раёна г. Мінска.
Наведвальнікі бібліятэкі могуць азнаёміцца з кніжнымі выстаўкамі “Мая краіна – Беларусь” і “Жыццё ў паэзіі” (да 110-годдзя з дня нараджэння Максіма Танка), падрыхтаванымі да Дня народнага адзінства.
Матэрыял пададзены аддзелам сувязей з грамадскасцю.