ГалоўнаяНавіныНавіны Нацыянальнай бібліятэкі Беларусі
Дар Санкт-Пецярбургскай дзяржаўнай тэатральнай бібліятэкі
Фонд бібліятэкі папоўніўся ўнікальнай крыніцай для вывучэння гісторыі Гродзенскага рэгіёна

Добры дзень, першакурснік!

Добры дзень, першакурснік!
Іншыя Навіны

26 кастрычніка ў Нацыянальнай бібліятэцы ў рамках рэспубліканскай акцыі “Добры дзень, першакурснік!” адбылася экскурсія для студэнтаў устаноў адукацыі аграпрамысловага профілю.

Падчас экскурсіі першакурснікі падрабязна азнаёміліся з магчымасцямі бібліятэкі як інфармацыйнага і сацыякультурнага цэнтра, вывучылі яго архітэктурныя асаблівасці, мастацкае афармленне, сістэму заказу, дастаўкі і выдачы літаратуры, наведалі музей кнігі.

Piershakursnik-5.jpg

У рамках экскурсіі супрацоўнікі даведачна-інфармацыйнага аддзела правялі прэзентацыю электронных інфармацыйных рэсурсаў бібліятэкі. Студэнты падрабязна азнаёміліся з традыцыйнымі і электроннымі рэсурсамі, прадстаўленымі фондам друкаваных і электронных дакументаў, базамі даных уласнай генерацыі і вядучых сусветных вытворцаў.

Piershakursnik-1.jpg

Прыемным дапаўненнем для экскурсантаў стаў пад’ём на аглядную пляцоўку: яны змаглі палюбавацца восеньскай прыгажосцю Мінска з вышыні птушынага палёту і наведаць фотазону на 22-м паверсе.

Piershakursnik-6.jpg

Пасля экскурсіі студэнты атрымалі магчымасць стаць пастаяннымі карыстальнікамі Нацыянальнай бібліятэкі.

Матэрыял пададзены аддзелам экскурсійна-метадычнай работы.

Навіны

Сфарміравана праграма ХІІ Міжнароднай навукова-практычнай канферэнцыі “Электронная культура”

7 Чэр 2024

Як бібліятэкі ўзаемадзейнічаюць са сферай адукацыі і інтэгруюць лічбавы кантэнт у школьную або праграму ВНУ, як вырашаюцца праблемы вэб-архівавання рэсурсаў? Стварэнне электроннай бібліятэкі, асаблівасці ўкаранення штучнага інтэлекту, – гэтыя і іншыя пытанні будуць абмяркоўвацца на гэтай сустрэчы.

Навіны Нацыянальнай бібліятэкі Беларусі

У Нацыянальнай бібліятэцы сустрэлі гасцей з Азербайджанскай Рэспублікі

6 Чэр 2024

6 чэрвеня беларускі “алмаз ведаў” наведала дэлегацыя з Азербайджанскай Рэспублікі на чале з намеснікам прэм’ер-міністра Азербайджанскай Рэспублікі Алі Джавадавічам Ахмедавым.

Навіны Нацыянальнай бібліятэкі Беларусі

Чацвёртая выстаўка цыкла “Зара вызвалення займаецца над Беларуссю”

7 Чэр 2024

Напярэдадні святкавання Дня Незалежнасці Рэспублікі Беларусь (3 ліпеня) і 80-годдзя вызвалення Беларусі ад нямецка-фашысцкіх захопнікаў экспануецца заключная частка выхаваўча-патрыятычнага цыкла “Зара вызвалення займаецца над Беларуссю”, які звяртаецца да хронікі падзей і да ўвекавечання памяці аб героях-удзельніках.

Кніжныя выстаўкі

Беларуская натарыяльная палата і Нацыянальная бібліятэка Беларусі: захоўваем гісторыю разам

5 Чэр 2024

5 чэрвеня ў зале адукацыйных тэхналогій у рамках падпісанага раней пагаднення аб супрацоўніцтве ў сферы інфармацыйнай дзейнасці паміж Беларускай натарыяльнай палатай і Нацыянальнай бібліятэкай Беларусі адбылася ўрачыстая перадача ў фонды "алмаза ведаў" унікальнага выдання, прысвечанага этапам станаўлення інстытута натарыята на беларускіх землях.

Навіны Нацыянальнай бібліятэкі Беларусі

Кніжная спадчына Дома Мамонічаў

3 Чэр 2024

З 3 чэрвеня ў музеі кнігі арганізавана выстава, прымеркаваная да 450-годдзя з пачатку дзейнасці друкарні Мамонічаў – аднаго з самых адметных беларускіх выдавецкіх цэнтраў ХVІ – пачатку ХVІІ ст.

Кніжныя выстаўкі

Бібліятэкарам