Фактаграфічная інфармацыя аб айчынных вучоных сабрана ў базе даных “Вучоныя Беларусі”. Яна ствараецца з 2009 года на аснове персанальных даных (анкет) вучоных, а таксама сайтаў устаноў вышэйшай адукацыі і навукі.
База даных уключае звесткі аб айчынных навуковых і навукова-педагагічных кадрах, дынастыях (сем’ях) вучоных, а таксама аб навуковых і адукацыйных установах.
Гэты цікавы інфармацыйны рэсурс, які пастаянна абнаўляецца. Нацыянальная бібліятэка Беларусі фарміруе яго сумесна з 36 установамі вышэйшай адукацыі, навуковымі інстытутамі і бібліятэкамі.
Запрашаем да актыўнага ўдзелу ў папаўненні базы даных супрацоўнікаў бібліятэк, навукова-даследчых інстытутаў, устаноў адукацыі, а таксама ініцыятыўных вучоных, якія могуць індывідуальна запоўніць анкету.
Нашы сумесныя намаганні будуць спрыяць пашырэнню інфармацыі аб беларускіх вучоных і дасягненнях беларускай навукі.
