28 красавіка ў галерэі “Лабірынт” адбыўся канцэрт беларускага кампазітара Георгія Сасноўскага ў рамках Года культуры ў Беларусі.
Арганізатары мерапрыемства – Міністэрства замежных спраў Рэспублікі Беларусь, беларуска-французская Асацыяцыя “Жыццё ў музыцы”, Нацыянальная бібліятэка Беларусі.
Георгій Сасноўскі – выпускнік Беларускай дзяржаўнай акадэміі музыкі па класе кампазіцыі. Пасля атрымання дыплома працаваў выкладчыкам. З 2000 года пражывае ў Францыі, узначальвае франка-беларускую Асацыяцыю “Жыццё ў музыцы”, якую заснаваў у 2007 годзе.
Асноўнай задачай асацыяцыі з’яўляецца падтрымка маладых музыкантаў, стварэнне ўмоў для развіцця іх таленту і арганізацыі канцэртнай дзейнасці ў Еўропе і на іншых кантынентах. Пад кіраўніцтвам беларускага кампазітара Георгія Сасноўскага асацыяцыя арганізавала шэраг мерапрыемстваў у Францыі і Беларусі з удзелам французскіх і беларускіх музыкаў.
Канцэрт прымеркаваны да 125-годдзя з дня нараджэння Сяргея Пракоф’ева і 400-годдзю памяці Уільяма Шэкспіра.
У праграме прагучалі творы С. Пракоф’ева, М. Мусаргскага, Ф. Шапэна, Г. Сасноўскага.
 |
 |
 |
 |
 |
 |
 |
 |
 |
 |
 |
 |
