28 чэрвеня адбылася цырымонія перадачы кніг Пасольствам Баліварыянскай Рэспублікі Венесуэла ў Рэспубліцы Беларусь у дар Нацыянальнай бібліятэцы Беларусі.
Калекцыя з 32 іспанамоўных выданняў дае магчымасць беларускаму чытачу пазнаёміцца з сучасным культурным і палітычным жыццём Венесуэлы, даведацца пра яе шматвяковую гісторыю і багатыя нацыянальныя традыцыі.
Часовы павераны ў справах Баліварыянскай Рэспублікі Венесуэла ў Рэспубліцы Беларусь Генры Майетонес адзначыў важнасць друкаванай кнігі ў сучасным грамадстве і выказаў упэўненасць у тым, што сумесныя мерапрыемствы ўмацуюць шматгадовае супрацоўніцтва Беларусі і Венесуэлы. Першы сакратар пасольства Венесуэлы Майрэна Ньевес выказала надзею, што кнігі на іспанскай мове паспрыяюць папулярызацыі венесуэльскай культуры ў Беларусі і дазволяць чытачам дзвюх краін стаць больш блізкімі і зразумелымі адзін аднаму.
Генеральны дырэктар Вадзім Гігін падзякаваў гасцям за каштоўныя падарункі і шматгадовае супрацоўніцтва і ў адказ падарыў кнігу пра стогадовую гісторыю Нацыянальнай бібліятэкі Беларусі, адзначыўшы, што падобныя ініцыятывы будуць садзейнічаць росту ўзаемнай культурнай цікавасці.
Матэрыял пададзены аддзелам сувязей з грамадскасцю.
