29 чэрвеня ў дзіцячым пакоі Нацыянальнай бібліятэкі Беларусі прайшлі творчыя заняткі “Мой горад” з цыкла “Нетрадыцыйныя спосабы выяўлення”.
Пад час заняткаў юныя майстры з задавальненнем “пабудавалі” свой горад мары. Звычайныя скрынкі з-пад гарбаты ператварыліся ў яркія шматпавярховыя дамы. На кветніках “выраслі” прыгожыя пластылінавыя ружы і рознакаляровыя рамонкі. Алеі дрэў і фантаны ўпрыгожылі вуліцы.
У працэсе творчай дзейнасці маленькія ўдзельнікі замацавалі свае навыкі працы з паперай, сурвэткамі, крупамі, клеем, эксперыментавалі з колерам, матэрыяламі, прапаноўвалі свае варыянты выявы.
Для стварэння добрага настрою на занятках гучалі знаёмыя і любімыя дзіцячыя песенькі.
 |
 |
 |
 |
 |
 |
