24 сакавіка на XXX Мінскай міжнароднай кніжнай выставе-кірмашы адбылася прэзентацыя выдання “Нацыянальная бібліятэка Беларусі. 100 гадоў”.
На працягу стагоддзя Нацыянальная бібліятэка Беларусі выконвае місію захавальніцы дакументальнай спадчыны беларускага народа. Яе дзейнасць накіравана на захаванне дакументаў, забеспячэнне доступу жыхароў Беларусі да нацыянальных і сусветных інфармацыйных рэсурсаў. Бібліятэка займаецца адукацыйнай, развіццёвай, творчай, забаўляльнай, аздараўленчай дзейнасцю.
Фотаальбом “Нацыянальная бібліятэка Беларусі. 100 гадоў” убачыў свет у выдавецтве “Беларусь” да векавога юбілею бібліятэкі на трох мовах – англійскай, беларускай і рускай. На яго старонках – фатаграфіі, якія храналагічна адлюстроўваюць найважнейшыя падзеі ад пачатку стварэння ўстановы да сучаснасці, гісторыю станаўлення і развіцця галоўнай бібліятэкі краіны. Грандыёзнае выданне, якое выйшла накладам усяго 1 000 асобнікаў, адрозніваюць архіўныя фатаграфіі, унікальныя дакументы, незвычайныя ракурсы інтэр’ераў, рэпартажы з праведзеных мерапрыемстваў.
Матэрыял пададзены аддзелам сувязей з грамадскасцю.
