Нацыянальная бібліятэка Беларусі расчыніла свае дзверы для ўсіх жадаючых далучыцца да штогадовай культурнай акцыі ў падтрымку кнігі і чытання – “Бібліяноч-2022”!
Як вядома, Нацыяналка сёлета святкуе сваё стагоддзе. У гэты вечар здзейсніць рывок у часе – разам з бібліятэкай у новае стагоддзе – сабралася шмат гасцей.
Наведвальнікаў сустрэлі сапраўдныя захавальнікі энергіі будучыні. Чароўны тэатралізаваны спектакль студэнтаў кафедры рэжысуры Беларускага дзяржаўнага ўніверсітэта культуры і мастацтваў адчыніў партал у свет энергіі.
Прама зараз кампаніі збіраюцца на майстар-класах па гульні ў шахматы і шашкі, дзеці і дарослыя акунаюцца ў свет разнастайных “настолак” ад “Hobby Game” і з задавальненнем прымаюць удзел у здымцы пластылінавага мультфільма да 100-годдзя Нацыянальнай бібліятэкі Беларусі. Захапляюць гасцей і інтэрактыўныя забавы – інтэлектуальны квест ад “Questoria”, актыўны квест па бібліятэцы “Унутры ромбакубаактаэдра” і QR-экскурсія па “алмазе ведаў”.
Спяшаемся нагадаць, што ўвесь вечар працуюць бонусныя пляцоўкі “Энергія майстра” і “Энергія неба”. Уваход на іх ажыццяўляецца па фішках, якія можна атрымаць за актыўны ўдзел у конкурсах на пляцоўках Бібліяночы. Колькасць фішак абмежавана!
Запрашаем усіх да 23.00 зарадзіцца энергіяй разам з Нацыянальнай бібліятэкай Беларусі! Абяцаем займальны вечар і цудоўны настрой!
Тэлефон для даведак: (8 017) 368 37 37.
