Работнікі Нацыянальнай бібліятэкі Беларусі наведалі чароўны і старадаўні горад Гродна.
Пабывалі ў Старым замку на высокім беразе Нёмана, палюбаваліся Барысаглебскай (Каложскай) царквой – адной з найстарэйшых цэркваў Усходняй Еўропы, Фарным касцёлам Святога Францыска Ксаверыя – кафедральным саборам Гродна.
Падчас агляднай экскурсіі па агратурыстычным комплексе “Гарадзенскі маёнтак «Каробчыцы»” ўбачылі кузню, домік разьбяра па дрэве, цыганскую кібітку, маляўнічыя садовыя альтанкі, паўлінаў і фазанаў, страусаў, трусоў, в’етнамскіх свінак і вярблюда.
Наведалі комплекс “Гродзенская крэпасць – Партызанскі лагер”, які размяшчаецца ў глыбіні паркавай тэрыторыі, дзе падчас Першай сусветнай і Вялікай Айчыннай войнаў разгортваліся актыўныя баявыя дзеянні.
Завяршылі паездку падарожжам на цеплаходзе па Аўгустоўскім канале – жамчужыне Прынёманскага краю.
Паездка падарыла калектыву бібліятэкі незабыўныя ўражанні і станоўчыя эмоцыі.
Матэрыял пададзены прафсаюзным камітэтам НББ.