16 мая ў бібліятэцы прайшоў вэбінар “Прэвентыўная кансервацыя дакументаў у скураных вокладках”.
Скураныя вокладкі рэдкіх і каштоўных кніг уяўляюць мастацкую і гістарычную каштоўнасць, таму патрабуюць да сябе павышанай увагі.
Падчас мерапрыемства загадчыца аддзела рэстаўрацыі і кансервацыі бібліятэчных дакументаў Дзіяна Муратава распавяла аб асноўных прычынах разбурэння скураных вокладак кніг, асаблівасцях захоўвання і эксплуатацыі дакументаў у скураных вокладках. Яна акцэнтавала ўвагу на вызначальнай ролі прэвентыўных кансервацыйных мерапрыемстваў у забеспячэнні захаванасці дадзеных дакументаў.
Інжынер-тэхнолаг бібліятэкі Яніна Дубінец расказала аб методыцы стабілізацыі скураных вокладак, выкарыстоўваемых матэрыялах, прадэманстравала ўсе этапы працэсу.
Спецыялісты Нацыянальнай бібліятэкі Беларусі адказалі на пытанні аб асаблівасцях прымянення розных саставаў, іх уплыве на скуру.
У вэбінары ўзялі ўдзел прадстаўнікі 16 абласных, раённых і рэспубліканскіх бібліятэк.
Матэрыял пададзены аддзелам рэстаўрацыі і кансервацыі бібліятэчных дакументаў.
