Для карыстальнікаў Нацыянальнай бібліятэкі Беларусі і арганізацый – партнёраў па віртуальнай чытальнай зале адкрыты тэставы доступ да ЭБС выдавецтва “Лань”.
Прадстаўленая электронна-бібліятэчная сістэма – гэта рэсурс, які змяшчае як электронныя версіі кніг выдавецтва “Лань” і іншых вядучых выдавецтваў вучэбнай літаратуры, так і электронныя версіі перыядычных выданняў па прыродазнаўчых, тэхнічных і гуманітарных навуках.
Асабісты кабінет карыстальніка дае наступныя магчымасці:
- віртуальная кніжная паліца;
- нататкі да кніг;
- закладкі з каментарыямі;
- цытаванне;
- канспектаванне;
- аддалены доступ (магчымасць працаваць у любы час, з любога месца, дзе ёсць Інтэрнэт).
З мэтай абароны аўтарскіх праў пры рабоце з электроннымі выданнямі існуюць абмежаванні на капіраванне і друкаванне тэксту.
Мова дакументаў – руская.
Для пачатку працы ў сістэме кожнаму чытачу неабходна зарэгістравацца.
Тэставы доступ адкрыты па 13 кастрычніка.
