23 верасня ў дзіцячым пакоі прайшлі творчыя заняткі “Сланечнік”, на якіх дзеці стварылі асенні выраб у тэхніцы “гратаж”.
З дапамогай васковай крэйды юныя ўдзельнікі пафарбавалі выразаны з аркуша кружок – сярэдзінку сланечніка. На каляровы воск нанеслі чорную гуаш і прамалявалі шпажкай клятчасты ўзор. На кардонную аснову прыклеілі падрыхтаваную сярэдзінку кветкі, размаляваныя акварэллю папяровыя пялёсткі, зялёную траўку і агароджу з драўляных палачак, злучыўшы дэталі ў прыгожую кампазіцыю.
Падчас гульні “Сланечнік” дзеці даведаліся, як сланечнік “любуецца” сонейкам і паварочваецца ўслед за ім.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.