22 кастрычніка ў музеі кнігі прайшлі творчыя заняткі “Таямніцы старадрукаў: даследуем і вывучаем гербарыі”.
Юныя кнігазнаўцы ўбачылі ўнікальныя выданні гербарыяў з фонду бібліятэкі, пазнаёміліся з выявамі лекавых раслін з “Гербарыя”, які надрукаваў Петэр Шофер (Peter Schöffer) у Майнцы ў 1484 г., і “Гербарыя”, выдадзенага ў Венецыі ў 1509 г.
У выданні 1484 г. гравюры пасля друку былі расфарбаваны ад рукі зялёным, жоўтым, чырвоным і сінім колерамі. У другім асобніку “Гербарыя” выявы раслін некаляровыя (ксілаграфія).
У якасці творчага задання ўдзельнікі сустрэчы расфарбавалі ад рукі друкаваную старонку з “Гербарыя” 1509 г.
Матэрыял пададзены навукова-даследчым аддзелам кнігазнаўства.