20 лютага ў Нацыянальнай бібліятэцы адбылося ўрачыстае мерапрыемства, прысвечанае 105-годдзю Узброеных Сіл Рэспублікі Беларусь і Дню абаронцаў Айчыны.
Сучасны Дзень абаронцаў Айчыны не пазбаўлены ваеннай афарбоўкі, але цяпер яго сфера ахопу не абмяжоўваецца толькі вайскоўцамі. Сёння гэтае свята лічаць сваім усе, хто мае дачыненне да абароны краіны і сваёй сям’і. Гэта свята доблесці, мужнасці, гонару і любві да Радзімы.
На святочным канцэрце выступілі ваенны аркестр 56-га асобнага Тыльзіцкага ордэна Чырвонай Зоркі палка сувязі ваенна-паветраных сіл і войск супрацьпаветранай абароны (дырыжор – Аляксандр Баравік), аркестр вайсковай часці 32/14 (3-я асобная Чырванасцяжная брыгада спецыяльнага прызначэння, дырыжор – старшы прапаршчык Сяргей Шынкарэнка), студэнты Беларускай дзяржаўнай акадэміі мастацтваў, выхаванцы Цэнтра дадатковай адукацыі дзяцей і моладзі “Арт”, народны вакальны ансамбль “Канцэртная група ВПС і войскаў СПА”.
Дарагія мужчыны, віншуем вас з надыходзячым Днём абаронцаў Айчыны і жадаем вам сіл, мужнасці і адвагі! Хай кожны дзень будзе паспяховым, кожны ўчынак годным, кожнае слова цвёрдым, а кожнае дзеянне ўпэўненым.
Матэрыял пададзены аддзелам сувязей з грамадскасцю.
