30 верасня ў музеі кнігі прайшлі музейныя чытанні казкі Уладзіміра Караткевіча “Верабей, сава і птушыны суд”.
Дзеці чыталі твор па ролях і малявалі саву.
Раней вераб’і хадзілі як людзі: левай – правай. І трэба было здарыцца, што адзін верабей правініўся. За свавольства птушыны свет правучыў яго – і з таго часу сталі скакаць вераб’і адразу дзвюма ножкамі. А сава атрымала ў падарунак ад птушак дзівоснае футра. Паколькі ў кожнай птушкі свой колер, то і апярэнне ў савы з таго часу рознакаляровае. Казка вучыць маленькіх слухачоў быць добрымі і справядлівымі.
Напрыканцы творчай сустрэчы падлічылі колькасць соў, якія жывуць ў музеі кнігі. Іх можна было знайсці на старонках кніг і паліцах вітрын.
Матэрыял пададзены навукова-даследчым аддзелам кнігазнаўства.
