5 мая а 16-й гадзіне ў галерэі “Лабірынт” Нацыянальнай бібліятэкі Беларусі адбудзецца творчая сустрэча з пісьменнікамі беларускага замежжа “У сэрцы з Радзімай”.
Мерапрыемства ладзіцца ў рамках ХV Міжнароднай спецыялізаванай выстаўкі “СМІ ў Беларусі”, да ўдзелу ў якой запрошаны суайчыннікі, прадстаўнікі СМІ і літаратурнай творчасці з-за мяжы.
Удзел у творчай сустрэчы ў Нацыянальнай бібліятэцы Беларусі возьмуць прадстаўнікі беларускай дыяспары з Украіны, Эстоніі, Грузіі, Польшчы, Латвіі.
У рамках правядзення творчай сустрэчы будзе арганізавана выстаўка-прагляд з фондаў Нацыянальнай бібліятэкі Беларусі, на якой будуць прадстаўлены каля 60-ці дакументаў аб гісторыі беларускага замежжа, выхадцах з беларускіх земляў, імёны якіх вядомы як на роднай зямлі, так і ў Расіі, Украіне, Латвіі, Чэхіі, Польшчы, Вялікабрытаніі і іншых краінах. Акрамя кніг па гісторыі беларускай эміграцыі, будуць экспанавацца зборнікі твораў беларускіх пісьменнікаў і паэтаў, якія працуюць за мяжой.
Падчас мерапрыемства Нацыянальнай бібліятэцы Беларусі будуць перададзены ў дар кнігі паэтаў і пісьменнікаў беларускага замежжа.
Тэлефон для даведак: 293-27-67.
Е-mail: pr@nlb.by