21 лютага ў Гомельскай абласной бібліятэцы адбыўся круглы стол "И живы памятью страницы редких книг" да 15-годдзя музея рэдкай кнігі ў рамках святкавання 95-годдзя Гомельскай абласной бібліятэкі.
З прывітальнымі словамі да ўдзельнікаў і гасцей канферэнцыі звярнуліся першы намеснік начальніка галоўнага ўпраўлення ідэалагічнай працы, культуры і па справах моладзі Гомельскага аблвыканкама Інга Заўгародняя, кіраўнік Рускага дома ў Гомелі, першы сакратар Пасольства Расійскай Федэрацыі ў Рэспубліцы Беларусь Наталля Аўралёва, дырэктар Гомельскай абласной бібліятэкі Таццяна Забіяка.
У пасяджэнні круглага стала прынялі ўдзел спецыялісты бібліятэчнай і музейнай справы, рэстаўратары з Мінска, Гомеля, Брэста, Полацка (Беларусь), Смаленска, Бранска, Новасібірска (Расія). Удзельнікі ў сваіх дакладах разгледзелі сучасныя падыходы да папулярызацыі і прасоўвання гісторыка-культурнай спадчыны, падзяліліся вопытам рэстаўрацыі дакументаў і стварэння электронных рэсурсаў і праектаў, распавялі пра дзейнасць па фарміраванні і зберажэнні рэдкага кніжнага фонду.
З дакладамі выступілі і супрацоўнікі Нацыянальнай бібліятэкі Беларусі: Яўгеній Жук, загадчык аддзела алічбоўкі дакументаў, Дзіяна Муратава, загадчыца аддзела рэстаўрацыі і кансервацыі бібліятэчных дакументаў, Марыя Шопіна, загадчыца навукова-даследчага аддзела кнігазнаўства, і Таццяна Карнілава, загадчыца сектара навукова-даследчага аддзела кнігазнаўства.
Для ўдзельнікаў была арганізавана культурная праграма, якая ўключала наведванне “Літаратурнага салона княгіні Ірыны Паскевіч”, знаёмства з выстаўкай “Сяброў шчодрыя дары і кніг цудоўныя светы” ў музеі рэдкай кнігі. Удзельнікі канферэнцыі таксама пабывалі на пазнавальнай экскурсіі па экспазіцыях Гомельскага палацава-паркавага ансамбля.
Матэрыял пададзены навукова-даследчым аддзелам кнігазнаўства.
