30 лістапада адбылася сустрэча кіраўнікоў Нацыянальнай бібліятэкі з выпускнікамі факультэта інфармацыйна-дакументных камунікацый Беларускага дзяржаўнага ўніверсітэта культуры і мастацтваў па спецыяльнасці “бібліятэчна-інфармацыйная дзейнасць”.
Мэта візіту – прывабліванне студэнтаў-выпускнікоў на першыя працоўныя месцы, азнаямленне з матэрыяльна-тэхнічнай базай і ўмовамі працы.
Студэнтаў пазнаёмілі з дзейнасцю галоўнай бібліятэкі краіны, яе роляй у грамадстве, расказалі пра гісторыю і рэсурсы ўстановы, яе магчымасці як інфармацыйнага і сацыякультурнага цэнтра. Сустрэча прайшла ў інтэрактыўнай форме: студэнты задавалі пытанні і абмяркоўвалі з прадстаўнікамі бібліятэкі тэмы, якія іх цікавяць.
Пасля заканчэння сустрэчы для выпускнікоў правялі экскурсію, падчас якой яны наведалі музей кнігі і чытальныя залы, пазнаёміліся з архітэктурнымі асаблівасцямі і мастацкім афармленнем “алмаза ведаў”.
Матэрыял пададзены аддзелам сувязей з грамадскасцю.