23 лістапада ў адной з залаў бібліятэкі адбылася лекцыя на тэму “Цыгун – для здароўя і развіцця” і пачаўся семінар I ступені для пачаткоўцаў.
Сістэму Чжун Юань цыгун супрацоўнікам і чытачам бібліятэкі прадставіла сертыфікаваны інструктар Чжун Юань цыгун і працаўнік НББ Люцыя Тупчыенка-Кадырава. Яна коратка распавяла пра базавыя паняцці традыцыйнай кітайскай медыцыны і кітайскай культуры ў цэлым – дао, цы, інь-ян, пазнаёміла з асноўнымі напрамкамі Чжун Юань цыгун – практыкай самаразвіцця і імідж-медыцынай.
Удзельнікі сустрэчы выканалі практыкаванні, накіраваныя на развіццё адчувальнасці далоней, пачалі асвойваць дынамічныя і асноўныя практыкаванні.
Семінар у бліжэйшы час працягнецца. Пасля яго завяршэння будзе арганізавана група для заняткаў анлайн або афлайн.
Для наведвання мерапрыемства карыстальнікам неабходна мець чытацкі білет ці білет сацыякультурнага цэнтра бібліятэкі.
Расклад заняткаў і семінараў можна даведацца па тэлефоне: (8 029) 361 76 20.
Матэрыял пададзены інфармацыйна-аналітычным аддзелам.