Да ўвагі аўтааматараў

У памяшканнях, пад навесамі і на адкрытых пляцоўках для размяшчэння транспарту забараняецца:

• ставіць транспартныя сродкі ў колькасці, што перавышае норму, парушаць план іх расстаноўкі, памяншаць адлегласць паміж імі;
• загрувашчваць выязныя вароты і праезды;
• выконваць кавальскія, тэрмічныя, зварачныя, малярныя і дрэваапрацоўчыя работы, а таксама прамыўку дэталей з выкарыстаннем лёгкіх на загаранне і гаручых вадкасцей;
• трымаць транспартныя сродкі з адкрытымі гарлавінамі паліўных бакаў, а таксама пры наяўнасці цечы паліва ці масла;
• запраўляць транспартныя сродкі палівам ці зліваць паліва з іх;
• захоўваць тару з-пад паліва, а таксама паліва і масла (акрамя гаражоў індывідуальнага транспарту);
• падзараджаць акумулятары непасрэдна на транспартных сродках;
• падаграваць рухавікі адкрытым агнём (вогнішчы, факелы, паяльныя лямпы), карыстацца адкрытымі крыніцамі агню для асвятлення;
• ставіць на агульных стаянках транспартныя сродкі для перавозкі лёгкіх на загаранне і гаручых вадкасцей, а таксама гаручых газаў.

У гаражах індывідуальнага карыстання, дадаткова да вышэй названых патрабаванняў, не дазваляецца захоўваць мэблю, прадметы дамашняга ўжытку з гаручых матэрыялаў і да т.п., а таксама запас паліва больш за 20 л і масла больш за 5 л.