Калі загарэўся тэлевізар

Калі тэлевізар няспраўны – трашчыць, пахне гарэлай ізаляцыяй правадоў, раптам гасне кінескоп, – неадкладна выключыце яго і паклічце майстра.

Калі тэлевізар загарэўся, адключыце яго ад сеткі. Пасля гэтага накіньце на яго тоўстую коўдру, каб агонь не перайшоў на шторы і мэблю.

Толькі пасля адключэння тэлевізара ад сеткі можна карыстацца вадой або вогнетушыцелем.

Пры выбуху кінескопа небяспечны атрутны дым і асколкі шкла. Таму, калі агонь не ўдаецца патушыць, пакіньце пакой і выклікайце пажарных.