Пажар ад печкі ці электраабагравальніка

Неабходна захоўваць правілы пажарнай бяспекі ў быце пры карыстанні печамі або электраабагравальнікамі.

Няправільная эксплуатацыя пячэй звязана з прымяненнем пры растопцы забароненых матэрыялаў (ЛЗВ, ГВ), а таксама пакіданнем пячэй, якія топяцца, без дагляду і адсутнасцю перадтопачнага ліста на драўлянай падлозе (памерам не менш за 0,5х0,7 м). Некаторыя гаспадары прыватных дамоў, імкнучыся сэканоміць на вугалі і дровах, усталёўваюць электрычныя катлы і падключаюцца да электрасеткі, мінуючы электралічыльнік, які мае аўтаматы бяспекі. У выніку адбываецца моцны нагрэў электраправодкі, парушэнне ізаляцыі і, як вынік, кароткае замыканне з далейшым узгараннем канструкцый.

Грамадзяне, будзьце пільныя, таму што кожны пажар, што ўзнікае з-за няправільнай канструкцыі або эксплуатацыі пячэй, электракатлоў, заканчваецца поўным знішчэннем пабудовы і цягне за сабой як матэрыяльныя, так і чалавечыя страты.