Аддзел рэстаўрацыі і кансервацыі бібліятэчных дакументаў
Аддзел арганізаваны для вырашэння праблем па захаванасці бібліятэчных рэсурсаў на базе групы гігіены кнігі пры аддзеле кнігазахавання. Гісторыя яго дзейнасці пачыналася з прафілактычных мерапрыемстваў па захаванасці кніжных фондаў і ператварэнні ў жыццё малавыдаткавых, простых і даступных тэхналогій. Сёння гэта буйны аддзел, які мае магчымасць праводзіць рэстаўрацыю і кансервацыю папяровага дакумента на высокім якасным узроўні на аснове сучасных дасягненняў у галіне хіміі, фізікі, біялогіі з ужываннем сучасных рэстаўрацыйных матэрыялаў. Аддзел рэстаўрацыі і кансервацыі бібліятэчных дакументаў з’яўляецца вядучым цэнтрам у галіне захаванасці бібліятэчных рэсурсаў на папяровай аснове ў Беларусі.
Дзейнасць
Аддзел аказвае кансультацыйную, метадычную і практычную дапамогу іншым бібліятэкам, архівам і музеям; прымае ўдзел у распрацоўцы і рэалізацыі нацыянальных праграм па захаванасці бібліятэчных дакументаў; вывучае, укараняе і распаўсюджвае перадавы вопыт па кансервацыі інфармацыйных рэсурсаў на папяровай аснове; асвойвае новыя тэхналогіі і тэхнічныя сродкі; удзельнічае ў навуковых канферэнцыях і семінарах па праблемах захаванасці. Акрамя гэтага, супрацоўнікі аддзела ажыццяўляюць комплекс мерапрыемстваў па ўмацаванні і ўзнаўленні цэласнасці папяровай асновы дакумента; вырашаюць пытанні фазавай кансервацыі шляхам вырабу мікракліматычных кантэйнераў з бескіслотнага кардону, выконваюць у вялікім аб’ёме пераплётныя работы.
Асноўныя функцыі аддзела:
- рэстаўрацыя і кансервацыя папяровага дакумента;
- дэзінфекцыя і дэзінсекцыі бібліятэчных фондаў;
- пераплёт.
Структура і штат
Заг. аддзела: Муратава Дзіяна Анатольеўна
Тэл: (8 017) 293 28 72 (унутр. 78 72)
E-mail: muratova@nlb.by
Пам. 051а
1. Сектар рэстаўрацыі
Заг. сектара: Палтаран Людміла Анатольеўна
Тэл: (8 017) 293 28 76 (унутр. 78 76)
Спецыялісты сектара:
унутр. тэл.: 78 79
2. Сектар прэвентыўнай кансервацыі і пераплёту
Заг. сектара: Ісаева Вольга Віктараўна
Тэл: (8 017) 293 28 73 (унутр. 78 73)
Спецыялісты сектара:
унутр. тэл: 78 75
Метадычныя і навучальныя матэрыялы па рамонце і рэстаўрацыі кніг
