2013 – Год беражлівасці

29 лістапада 2012 г. Прэзідэнт Рэспублікі Беларусь А.Р. Лукашэнка падпісаў Указ № 537 "Аб аб’яўленні 2013 года Годам беражлівасці".

Пастановай Савета Міністраў Рэспублікі Беларусь ад 29 снежня 2012 г. № 1253 зацверджаны рэспубліканскі план мерапрыемстваў па правядзенні Года беражлівасці.

Год беражлівасці з’яўляецца лагічным працягам рэалізацыі ў сучасных умовах Дырэктывы Прэзідэнта Рэспублікі Беларусь ад 14 чэрвеня 2007 г. № 3 "Эканомія і беражлівасць – галоўныя фактары эканамічнай бяспекі дзяржавы".

Тэматычны спіс літаратуры (кнігі і артыкулы 2007–2012 гг. з фондаў Нацыянальнай бібліятэкі Беларусі).

У 2013 годзе адзначалася 130-годдзе з дня нараджэння першаадкрывальніка прыгодніцкага і навукова-пазнавальнага жанраў у беларускай дзіцячай літаратуры Янкі Маўра (Івана Міхайлавіча Фёдарава). Бібліятэкай быў падрыхтаваны інфармацыйны рэсурс "Віртуальнае падарожжа з Янкам Маўрам", арганізавана кніжная выстаўка "Чараўнік з краіны маленства", а таксама літаратурны вечар, прысвечаны жыццю і творчасці пісьменніка.