ГалоўнаяНавіныКніжныя выстаўкі
Пад чыстым небам Раства
Халакост: навечна ў памяці людской

Чараўнік народнай песні

Чараўнік народнай песні
Іншыя навіны

З 12 студзеня па 12 лютага ў зале нотных і аўдыявізуальных дакументаў (пам. 305) праходзіць выстаўка “Чараўнік народнай песні”, прымеркаваная да 130-годдзя з дня нараджэння беларускага харавога дырыжора і фалькларыста Рыгора Раманавіча Шырмы (1892–1978).

Р.Р. Шырма – выдатная асоба ў культуры беларускага народа ХХ стагоддзя. Музычны дзеяч, хормайстар, збіральнік і прапагандыст беларускай народнай песні, заснавальнік Дзяржаўнай акадэмічнай харавой капэлы Рэспублікі Беларусь. Яго творчая спадчына – нацыянальная скарбніца, да якой і сёння звяртаюцца дзеячы розных галін культуры.

Увесь творчы лёс Р. Шырмы быў накіраваны на захаванне і працяг жыцця беларускай песні. Ён збіраў, апрацоўваў, вывучаў і ўводзіў у рэпертуар харавых калектываў шматлікія творы беларускай народна-песеннай творчасці. Выданне “Беларускія народныя песні (для хору)” (1971–1973), складзенае Р. Шырмай, змяшчае больш за 200 апрацовак народных песень. Свае эстэтычныя погляды, збіральніцкія прынцыпы, меркаванні наконт генезісу асобных фальклорных жанраў даследчык выказаў у прадмовах да зборнікаў песень і ў шэрагу артыкулаў.

На выстаўцы прадстаўлена больш за 60 дакументаў, у ліку якіх – першы фальклорны зборнік Р. Шырмы “Беларускія народныя песні” (1929), “Беларускія народныя песні, загадкі і прыказкі” (1947), “Дзвесце беларускіх народных песень” (1958), а таксама галоўны вынік амаль 70-гадовай збіральніцкай і творчай дзейнасці Рыгора Шырмы – чатырохтомнік “Беларускія народныя песні” (1959–1976). Выдадзеныя ў 20–70-я гг. ХХ ст. зборнікі да сённяшняга дня застаюцца каштоўнай крыніцай ведаў і мастацкага натхнення для беларускіх музыкантаў.

З літаратурнай спадчынай Рыгора Раманавіча знаёміць і кніга “Песня – душа народа” (1993). У зборнік увайшлі найбольш значныя пісьмовыя і вусныя яго выступленні за ўвесь час грамадскай і творчай дзейнасці.

Дапаўняюць экспазіцыю аўдыядакументы з запісамі песень, кнігі і артыкулы пра майстра, напісаныя А. Журавым, І. Нісневічам, А. Лісам, В. Ліцвінкам, Т. Варфаламеевай і інш. У кнізе “Песня на ўсё жыццё” (1983) сваімі ўспамінамі пра сустрэчы з Рыгорам Раманавічам, а таксама думкамі пра яго творчасць дзеляцца шматлікія пісьменнікі, кампазітары і іншыя дзеячы культуры.

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 52.

Матэрыял пададзены аддзелам абслугоўвання спецыялізаванымі фондамі.

Навіны

Знаёмства з Банкам звестак аб гісторыка-культурнай спадчыне Рэспублікі Беларусь

25 Май 2022

23 мая на базе Інстытута павышэння кваліфікацыі і перападрыхтоўкі кадраў Беларускага дзяржаўнага ўніверсітэта культуры і мастацтваў у рамках курса “Актуальныя пытанні аховы матэрыяльнай гісторыка-культурнай спадчыны” прайшла лекцыя пра Банк звестак аб гісторыка-культурнай спадчыне.

Навіны Нацыянальнай бібліятэкі Беларусі

Фотавыстава “Беларусь: цудоўныя імгненні” адкрылася ў Даўгаўпілсе

24 Май 2022

21 мая да 100-годдзя Нацыянальнай бібліятэкі Беларусі ў Цэнтры беларускай культуры ў Даўгаўпілсе адбылося адкрыццё фотавыставы “Беларусь: цудоўныя імгненні”, падрыхтаванай бібліятэкай сумесна з тэлеканалам “Беларусь 24”.

Навіны Нацыянальнай бібліятэкі Беларусі

Да 125-годдзя з дня нараджэння вядомага беларускага бібліёграфа Юліі Іосіфаўны Бібіла

25 Май 2022

26 мая а 15-й гадзіне адбудзецца мерапрыемства, прымеркаванае да 100-годдзя Нацыянальнай бібліятэкі Беларусі і юбілею з дня нараджэння аднаго з найбольш яркіх яе прадстаўнікоў Ю.І. Бібіла (1897–1974).

Да 100-годдзя Нацыянальнай бібліятэкі Беларусі

Асоба і спадчына Язэпа Пушчы: сучаснае прачытанне

23 Май 2022

20 мая ў Нацыянальнай бібліятэцы Беларусі адбыўся круглы стол “Адысея Язэпа Пушчы”, прымеркаваны да 120-годдзя з дня нараджэння беларускага пісьменніка, сябра літаратурнага аб’яднання “Маладняк”.

Да 100-годдзя літаб'яднання "Маладняк"

“Цікава пачытаць”: кніга “Эвристические сказки. Обучение через открытие. Приключения Лисёнка и его друзей”

23 Май 2022

21 мая ў дзіцячым пакоі прайшлі заняткі “Цікава пачытаць” па кнізе Андрэя Караля і Кацярыны Вараб’ёвай “Эвристические сказки. Обучение через открытие. Приключения Лисёнка и его друзей”.

Навіны Нацыянальнай бібліятэкі Беларусі

Размова з адвакатам аб адказнасці за дзеянні ў сацыяльных сетках

20 Май 2022

19 мая Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавала і праведзена штомесячная тэматычная сустрэча з адвакатам “Адказнасць за дзеянні ў сацыяльных сетках (каментарыі, лайкі, рэпосты)”.

Навіны Нацыянальнай бібліятэкі Беларусі

Яе называлі беларускім Траццяковым

22 Май 2022

22 мая спаўняецца 115 гадоў з дня нараджэння Алены Васільеўны Аладавай (1907–1986), заслужанага дзеяча мастацтваў БССР, даследчыка, збіральніка, захавальніка і прапагандыста высокіх духоўных каштоўнасцей, якая трэць стагоддзя ўзначальвала галоўны мастацкі музей нашай краіны.

Па старонках беларускага календара

Бібліятэкарам